Jeff Koons: atzera begirakoa
Lore eta untxi puzgarriak (zuri luzea, untxi arrosa) [Inflatable Flower and Bunny (Tall White, Pink Bunny)], 1979 [Puzgarriak saila]
Iruzkinak
Sarrera
- Izenburua:
- Sarrera
- Erakusketa:
- Jeff Koons: atzera begirakoa
- Gaiak:
- Artea eta gizartea | Artea eta komunikabideak | Herri-kultura | Masa-kultura | Artea eta teknologia | Eragin artistikoa | Ibilbide artistikoa | Sorkuntza artistikoa | Kolorea | Materiala | Edertasuna | Gizakia | Publizitatea
- Mugimendu artistikoak:
- Arte Garaikidea | Dadaismoa | Pop Artea | Surrealismoa
- Aipatutako artistak:
- Koons, Jeff
Guggenheim Bilbao Museoaren izenean, ongi etorri Jeff Koons: atzera begirakoa erakusketara. Jeff Koons artista estatubatuar ezagunaren ehun bat lan daude ikusgai. Koons York-en jaio zen, Pensilvanian, 1955ean. Masen komunikabideak nagusi diren garaian, artearen esanahiaren inguruan sakontzeko ardura duten sortzaileen belaunaldikoa dugu Koons.
1980ko hamarkadan lortu zuen ospea, publizitatearen, marketinaren, aisiaren industriaren eta teknologia berrien kolore askoko hizkera bisualean oinarritutako lan batzuen bidez. Jatorriak dadaismoan, surrealismoan edo pop artean baditu ere, obra berezia, ezagutzeko erraza eta berritzailea sortu du, gaur egungo artean erreferentzia garrantzitsuenetako bat bilakatu dena. Bere ibilbide profesionalak behin eta berriro harritu du publikoa; izan ere, ustekabekoak dira eta hausnarketa eta eztabaida eragiten dituzte haren lanek .
Koonsek serieetan banatzen ditu lanak; serie horien bidez, gaur egungo gizarteko alderdi jakin batzuen gainean atentzioa eman nahi du. Lan askotan, elementu kontrajarriak eta kontrakoak daude. Eguneroko bizitzako objektuak erabiltzen ditu, besteak beste, argi fluoreszenteei lotutako etxetresna elektrikoak eta kolore distiratsu eta erakargarrietako jostailuak; horiei, gainera, helduen munduko ukituak ematen dizkie. Tentsioa sorrarazten du horrela, hain zuzen, haren artearen oinarri den tentsioa.
Materialak bere artearen alderdirik adierazgarrienetakoa dira. Edertasuna eta gauzatze eta akabera bikainak nabarmentzen ditu, baina baita nobedadea, freskoena dena eta teknologia berriak ere; azken horiek inolako lotsarik gabe erabiltzen ditu bere lanetan.
Guggenheim Bilbao Bilduman artista honen bi lan daude: Idi-bihotzak eta Puppy. Azken hori kanpoaldean dago, iraunkorki kokatua, eta museoaren eta bere bildumaren irudirik ezagunenetakoa da.
Espero dugu une paregabe hau gozatzea; izan ere, Lucía Agirrek, erakusketaren komisarioak, dioen bezala: “Bere lanaren atzera begirako bat izango dugu, koherentea eta egituratua, erabat berritzailea eta harrigarria. Artistak berak esan bezala, nork bere burua onartzeaz, inguratzen gaituen mundua onartzeaz eta artearen bidez gizakia baieztatzeaz hitz egiten digu lanak. Mundu honetan, lehenengo eguna balitz bezala bizitzeko aholkua ematen digu”.
Erakusketa New Yorkeko Whitney Museum of American Art-ek antolatu du, Guggenheim Bilbao Museoarekin eta Parisko Centre National d’art et de Culture Georges Pompidou-rekin lankidetzan, eta Fundación BBVAren babes eskuzabala izan du.