Jeff Koons: atzera begirakoa
Buster Keaton, 1988 [Hutsalkeria saila]
Kiepenkerl, 1987 [Kiepenkerl saila]
Iruzkinak
Michael Jackson eta Bubbles (Michael Jackson and Bubbles), 1988 [Hutsalkeria saila]
- Izenburua:
- Michael Jackson eta Bubbles (Michael Jackson and Bubbles), 1988 [Hutsalkeria saila]
- Erakusketa:
- Jeff Koons: atzera begirakoa
- Gaiak:
- Gizakia | Artea eta gizartea | Eragin artistikoa | Sorkuntza artistikoa | Herri-kultura | Masa-kultura | Pop | Michael Jackson
- Mugimendu artistikoak:
- Rokokoa
- Artelan motak:
- Eskultura
- Aipatutako artistak:
- Koons, Jeff
1988ko eskultura honek Michael Jackson erakusten du, abeslariaren Bubbles txinpantzearekin [Michael Jackson eta Bubbles (Michael Jackson and Bubbles)]. Pop-aren erregea une hartan karreraren gailurrean zegoen, eta Koons-ek Michelangelo-ren Pieta errenazentista gisa irudikatu zuen, rokoko kutsu markatuaz: urre-kolorez eta zuriz jantzia, maskota altzoan duela eta lorez inguratua.
Koonsek Jackson miresten zuen, masek jarraitzen zuten figura baitzen; jendearekin komunikatzeko ahalegin guztia egiten zuen pertsonaia zen, horretarako kirurgiara jo behar bazuen ere. Kantariaren eraldaketa fisikoak, hemen azala erabat zuri eta masailak gorrixka dituela, eraldatzeko borondatea islatzen du: ospea, dirua, eta arraza lortzeko aldatu nahia. Hori guztia Koonsen aurreko mezu baten aurka doa, alegia, garen bezala perfektuak garelako mezuaren aurka. Gizartean ohiko gatazka da hori: pertsona batzuk talde jakin baten zati dira eta harro daude, baina, aldi berean, gizartean gora egiteko nahia dute.
Eskultura honen osaerak erreferentzia argia egiten dio Michelangeloren Pietari, eta horrek beste irakurketa-maila bat ematen dio lanari. Lana anbibalentea da, baina kontrako guztiak adiskidetzea bilatzen du, ahalik eta publikorik gehienarengana iristeko.
Sarritan, Koonsek Hutsalkeria seriea erronka gisa erabili du, arte modernoak zaila izan beharko lukeelako ideiaren aurrean; horrenbestez, ospetsua den pertsonaia erabiltzen du, Michael Jackson, sinesmen hori gezurtatzeko.