Jeff Koons: atzera begirakoa
Michael Jackson eta Bubbles (Michael Jackson and Bubbles), 1988 [Hutsalkeria saila]
Zeruan egina (Made in Heaven), 1989 eta Jeff Adam-en kokaeran (Jeff in the Position of Adam), 1990 [Zeruan egina saila]
Iruzkinak
Kiepenkerl, 1987 [Kiepenkerl saila]
- Izenburua:
- Kiepenkerl, 1987 [Kiepenkerl saila]
- Erakusketa:
- Jeff Koons: atzera begirakoa
- Gaiak:
- Artea eta gizartea | Sorkuntza artistikoa | Materiala | Kiepenkerl
- Artelan motak:
- Eskultura
- Aipatutako artistak:
- Koons, Jeff
1987an, Koons hamar urterik behin Alemaniako Münster hirian egiten den izen handiko Skulpturprojekte Münster erakusketan parte hartzera gonbidatu zuten. Erabaki zuen hiriaren erdigunean zegoen plaza bateko Kiepenkerl izeneko brontzezko monumentua izatea inspirazio, alegia, lepoan landako produktuz beteriko zakua daraman saltzaile ibiltaria. Pertsonaia horren berezitasuna da albisteak eta zurrumurruak zeramatzala hiri batetik bestera. Münster-eko gaur egungo eskultura ez da originala: Bigarren Mundu Gerrako bonbardaketek ez zuten suntsitu jatorrizko hare-harrizko eskultura, baina soldadu estatubatuarrek tiro-praktiketarako erabili zuten.
Estatuaria lanak egiteko bezala, honetarako ere molde bat egin zuen Koonsek estatua orijinalaren kopia batetik abiatuta, eta altzairu herdoilgaitzez erreproduzitu zuen [Kiepenkerl]; baina, ekoizpen-prozesuan gertatutako ezusteko bat zela-eta, beste urrats bat gehiago ematera behartua ikusi zuen bere burua: lehenengoz, forma orijinala aldatu behar izan zuen. Koonsen eskultura irudi ospetsu bilakatu zen: material modernoz egindako iraganeko sinbolo tradizionala zen, eta orduko garaira modu hobe ezinean zegokion. Koonsek espazio publiko batean egindako lehenengo esku-hartzea izan zen. Honela azaltzen du Koonsek artelan hau sortzearen zergatia:
“Münsterreko plaza nagusian brontzezko irudi bat dago, Kiepenkerl. Komunitatearen eta bere independentziaren ikur da, askatasuna eta autosufizientzia ematen dien nekazaritzaren adierazgarri. Pentsatu nuen interesgarria izan zitekeela altzairu herdoilgaitzaren bidez berrinterpretatzea, ispiluaren antzeko akabera ematea, luxu itxura faltsua ematea, herriaren beharrak eta uste sendoak beste modu batean betetzeko: gaur egungoagoa den errealitatea eskainiz”