Jeff Koons: atzera begirakoa
Hulk (organoa) [Hulk (Organ)], 2004–2013 [Hulk Elvis saila]
Askatasunaren kanpaia (Liberty Bell), 2006 [Hulk Elvis saila]
Iruzkinak
Geisha, 2007 [Hulk Elvis saila]
- Izenburua:
- Geisha, 2007 [Hulk Elvis saila]
- Erakusketa:
- Jeff Koons: atzera begirakoa
- Gaiak:
- Artea eta teknologia | Eragin artistikoa | Sorkuntza artistikoa | Erretratua eta autorretratua | Natura hila
- Artelan motak:
- Komikia | Pintura
- Aipatutako artistak:
- Koons, Jeff
Serie honetako eskulturekin batera, Koons-ek oso pintura konplexuak sortu ditu; horietan, zenbait geruza gainjartzeko baliabidea erabiltzen jarraitzen du. Gainjarpen horietan ben-day puntuak (Benjamin Dayk sortutako puntuen-saretak) balitzen ditu eta horien garrantzia handitzen doa. Puntu horiek inprimatze mekanikoa eta komikiak dakartzate gogora, Sigmar Polke-ren eta Georges Seurat-en estiloetara, baina, batez ere, Roy Lichtenstein-erenera. Koonsentzat, beste artista batzuekin konektatzeko modua da, elkarrizketa bat sortuz, beren hiztegia erabilita.
Pinturek oso ikonografia konplexua irudikatzen dute, tartean dago, Led Zeppelin taldearen irudi bat; bertan, elementu asko dago pertzepzioarentzat erronka dira. Tituluek seriean agertzen diren pertsonaia nagusiei egiten diete erreferentzia —Hulk Elvis I, Tximino trena, Askatasunaren kanpaia, etab.— eta irudiek, paradoxikoki, zehaztasun-maila harrigarria eta xehetasun delikatuen eta garbien aberastasuna adierazten dituzte. Elementu guztiak daude manipulatuak eta elkarren artean lotzen dira, kolore eta forma aldetik nolabaiteko zurrunbiloa sortuz.
Geisha margolanari arretaz begiratuz gero honakoak ikusiko ditugu: hori koloreko geisha bat; tren eta zalgurdi zuri bat, argazkien negatiboen efektua dutenak; Hulken bi irudi, paisaia-txatal bi eta elementu abstraktuak eta tximino baten buru bat, zenbait aldiz errepikatuta. Azken horrek Picabia-ren 1920ko artelan ospetsuari erreferentzia egiten dio. Lan horretan peluxezko tximino baten inguruan agertzen dira honako hitz hauek: “Cézanne-ren erretratua – Rembrandt-en erretratua – Renoir-en erretratua – Natura hilak”, gure hilkortasunaren erreferentzia dira.