Jeff Koons: atzera begirakoa
Idi-bihotzak (Tulips), 1995–2004 [Ospakizunak saila]
Katua esekita (horia) [Cat on a Clothesline (Yellow)], 1994–2001 [Ospakizunak saila]
Iruzkinak
Babeslekua (Shelter), 1996–98 [Ospakizunak saila]
- Izenburua:
- Babeslekua (Shelter), 1996–98 [Ospakizunak saila]
- Erakusketa:
- Jeff Koons: atzera begirakoa
- Gaiak:
- Herri-kultura | Masa-kultura | Artea eta emozioa | Sorkuntza artistikoa | Kolorea | Alaitasuna
- Artelan motak:
- Pintura
- Aipatutako artistak:
- Koons, Jeff
Serie honen bidez, bizitzako une zoriontsuak ospatzera animatu nahi duela esan daiteke. Egutegi baten enkargua zela eta, urteko jaiak eta ospakizunak islatzen dituzten argazkiak egin eta irudiak bildu zituen; horrek materiala eta ideiak eman zizkion beste serie bat egiteko. Zeruan egina serie polemikoaren ondoren, semearekin harremana galdu zuen eta Koons beste serie bat egiten hasi zen, New Yorkeko Guggenheim Museumen erakusgai jartzeko, 1996an, baina seriea prestatzen luzatu egin zen; Ospakizunak, ekoizpenari dagokionez, bere serieen artean asmo handienetakoa da.
Ospakizunak serierako, Koonsek laguntzaileekin lan egin zuen estudio batean, pinturaren teknika tradizionala sartzeko. Berak konposizioa definitzen zuen eta, gero, laguntzaileen laguntzarekin, irudiak eskuz margotzen zituzten, mihisearen gainean. Seriearen tituluak erakusten duen bezala, gaiek jai- eta poztasun-giroa transmititzen dute; haurren jaiak, jolasak eta ospakizunak iradokitzen dituzte. Protagonistak urtebetetzeetako tartak, bitxiak, bihotzak, girlandak, globoak, jostailuak edo pazko-arrautzak dira, guztiak kolore biziz margotuak.
Babeslekua lanaren lehen planoa plastikozko animaliaz eta jostailu-figuratxoz osatua dago, hainbat eskalatan, atzean mendiak eta zeru urdina daudela.
Koonsek, semearen faltaren ondorioz jasan zuen nostalgia zela-eta, artelan honetan haurren mundua irudikatu zuen, bai eta umezaroko babeslekuen oroitzapenak ere.