Jeff Koons: atzera begirakoa
Loredun ontzi handia (Large Vase of Flowers), 1991 [Zeruan egina saila]
Astoa (Donkey), 1999, Hipototamoa (urdina) [Hippo (Blue)], 1999, Mortsa (berde urdinxka) [Walrus (Blue Green)], 1999 eta Jirafa (lila) [Giraffe (Lilac)], 1999 [Dibertsio erraza saila]
Iruzkinak
Loopy, 1999 [Dibertsio erraza saila]
- Izenburua:
- Loopy, 1999 [Dibertsio erraza saila]
- Erakusketa:
- Jeff Koons: atzera begirakoa
- Gaiak:
- Herri-kultura | Masa-kultura | Artea eta psikologia | Eragin artistikoa | Estetika | Sorkuntza artistikoa | Kolorea | Konposizioa
- Mugimendu artistikoak:
- Arte Kontzeptuala
- Teknikak:
- Collage
- Artelan motak:
- Eskultura | Pintura | Pintura (olio-pintura)
- Aipatutako artistak:
- Koons, Jeff
Jeff Koons-ek bere ibilbideko serierik luzeenetakoa eta zorrotzenetakoa hasi zuen, Ospakizunak. Haren konplexutasunari eta bertan kontsumitutako energiari aurre egiteko, beste serie bat sortu zuen, izenak berak dioen bezala, Dibertsio erraza, eta helburu du plazer arruntak azpimarratzea, oso forma eskematikoen eta kolore lau eta intentsuen haur-estetika erabilita. Hormako pinturek eta eskulturek osatzen dute.
Olio-pinturek konposizio konplexuak dituzte. Collage teknikaz egindakoak dira, baina Photoshop bidez gainjartzen ditu geruzak; horrela, efektu ilusionistak sortu ditu, zenbait kontzeptu nahastuz, besteak beste, atzean, aurrean, alboan eta barruan. Elementuak AEBko kultura eta bizimodu tradizionaletik hartu zituen. Pintura lauak dira, haurrentzako itxura dute, eta AEBko ohiko elikagaiak (besteak beste, zerealak, artaleak, gailetak) eta marrazki bizidunetatik hartutako pertsonaiak irudikatzen dituzte [Loopy]. Oso gertukoa da fokua, xehetasun txikienak dira arreta-gune: kasu honetan, ginga bat gainean duen esne-gainez beteriko koilara eta koilarakadari gosez begiratzen ari zaion marrazki bizidunaren aurpegiaren zati bat. Halaber, John Baldessari-ren lanari erreferentzia egiten dioten zirkulu zuriak daude. Entzun ditzagun Jeff Koonsen hitz batzuk:
“Uste dut nire artelana funtsean kontzeptuala dela. Niretzat, estetika tresna bat da, baina tresna psikologikoa. Nire lanak psikologia jorratzen du, nirea eta ikusleena. Nire iritziz, estetikak, berez, efektu diskriminatzaile handia du: jendeari arte-esperientzia bizitzeko gai ez dela pentsarazten dio. Artea berentzat eskuragarria ez dela uste dute”.