Jeff Koons: atzera begirakoa
Dr. Dunkenstein, 1985 [Oreka saila]
Aqualung urpeko igeriketarako jaka (Aqualung), 1985 [Oreka saila]
Iruzkinak
Oreka perfektuan dagoen baloidun arrainontzia (Spalding, Dr. JK 241 saila) [One Ball Total Equilibrium Tank (Spalding Dr. JK 241 Series)], 1985 [Oreka saila]
- Izenburua:
- Oreka perfektuan dagoen baloidun arrainontzia (Spalding, Dr. JK 241 saila) [One Ball Total Equilibrium Tank (Spalding Dr. JK 241 Series)], 1985 [Oreka saila]
- Erakusketa:
- Jeff Koons: atzera begirakoa
- Gaiak:
- Herri-kultura | Masa-kultura | Artea eta zientzia | Sorkuntza artistikoa
- Artelan motak:
- Eskultura-objektua
- Aipatutako artistak:
- Koons, Jeff
Serie honetako artelan batzuek fisikako legeei aurre egiten diete. Arazo teknikoak konpontzeko, zientzialarien aholkua baliatu zuen Koons-ek, Richard P. Feynman fisikako Nobel saridunarena barne.
Ikusten duzun artelanean [Oreka perfektuan dagoen baloidun arrainontzia (Spalding, Dr. JK 241 saila) [One Ball Total Equilibrium Tank (Spalding Dr. JK 241 Series)], baloi bat flotatzen dago, akuario baten erdi-erdian, posizio ezin hobean eta ezinezkoan, grabitateari aurka eginez bezala. Oreka hori, Koonsen ustez, “goreneko” egoera da, etengabe bilatzen dena, baina lortu ezin dena.
Serie honetan erabilitako baloi batzuk Spaldingek sortutako edizio mugatu batekoak dira, eta batzuek Dr. J. autografoa daukate, hots, Julius Irving saskibaloiko jokalari handiarena, laurogeiko hamarkadan biziki ezaguna zenarena. Objektu horiek beraz, bakanak eta bereziak dira: artelanek izan ohi duten auraren antzeko bat dute.
Artelan hauek egiteko, Koonsek uko egin zion silikonak eta olioak erabiltzeari, nahiz eta horiek erraz eutsiko zioten baloien orekari; eta, horien ordez, ur purua erabili zuen, eta horri sodioa gehitu zion, erreaktibo purua, ideiaren osotasunari eusteko eta ikuslearekiko lotura ez faltsutzeko. Horrek aukera eman zuen ura bi geruzatan banatzeko eta, horrela, baloiak bi geruzen artean oreka-egoeran flotatu ahal izateko; oreka hori erraz apur daiteke ingurumenaren baldintzak aldatzen badira. Horrela, bizi dezakegun oreka ahula transmititu nahi izan zuen; izan ere, baloia, ustekabean, azkenean, erori egingo da.