Jeff Koons: atzera begirakoa
Luis XIV.a (Louis XIV), 1986 [Estatuaria saila]
Bob Hope, 1986 [Estatuaria saila]
Iruzkinak
Untxia (Rabbit), 1986 [Estatuaria saila]
- Izenburua:
- Untxia (Rabbit), 1986 [Estatuaria saila]
- Erakusketa:
- Jeff Koons: atzera begirakoa
- Gaiak:
- Herri-kultura | Masa-kultura | Sorkuntza artistikoa | Forma | Materiala | Tamaina | Luxua
- Artelan motak:
- Eskultura-objektua
- Aipatutako artistak:
- Koons, Jeff
Estatuaria seriearen artelanik ezagunena, modernitatearen ikono bihurtu dena, untxia da: gairik lurtarrena irudikatzen duena, hain zuzen. Untxia lehenengoetariko serie batean ere erabili zuen Koons-ek, 1979an, Puzgarriak sailean. Lan honetan, serie horretako itxura gorde zuen, baina espiritu iraunkorra eta sendoa eman zion; airez beteriko biniloa izan beharrean, altzairu herdoilgaitzeko objektu bat baita; gainera, tamaina handitu zuen. Altzairua oso leundu zuen, azalera distiratsu garbi-garbia lortu arte. Lanari, beraz, glamourra dario, eta siluetaren modernitatea eta forma bihurgunetsuen denboraz kanpokotasuna nabarmendu egiten dira. Ohikoa bikain bilakatu nahi zuen. Artelanaren kontraesanak eta konplexutasuna sortu zen garaiko alegoriatzat hartu ziren.
Untxia ikono eta lan popular bilakatu zen, besteak beste, askotariko interpretazioak onartzen ditu eta. Artelanari behatzean, pazko-igandeko untxitxoan edota Playboy-ko untxitxoan pentsa dezakegu, edo azenarioa mikrofono bat izango balitz bezala ikus dezakegu eta orduan untxia hizlari bihurtzen da. Halaber, ahora daraman azenario hori felazioarekin lot daiteke, edo aginte-makilarekin. Eraldatzeko gaitasuna da artelana ikono bilakatzen duena, sinbolo, ikuslearen historiara egokitzeko alda baitaiteke.