Jeff Koons: atzera begirakoa
Bob Hope, 1986 [Estatuaria saila]
Buster Keaton, 1988 [Hutsalkeria saila]
Iruzkinak
Hutsalkeriaren hastapenak (Ushering in Banality), 1988 [Hutsalkeria saila]
- Izenburua:
- Hutsalkeriaren hastapenak (Ushering in Banality), 1988 [Hutsalkeria saila]
- Erakusketa:
- Jeff Koons: atzera begirakoa
- Gaiak:
- Artea eta gizartea | Herri-kultura | Masa-kultura | Sorkuntza artistikoa | Kontsumoa | Irudi erlijiosoak
- Mugimendu artistikoak:
- Rokokoa
- Artelan motak:
- Eskultura
- Aipatutako artistak:
- Koons, Jeff
Serie honetan, Koons-ek zurezko eta portzelanazko eskulturak egin zituen, Europan bilatutako teknika horien artisauekin lan eginez. Eztitutako estetikadun eskulturak dira, sexu-elementu tipikoak, kristau-sinbologiaren osagaiak eta gaur egungo kulturaren ikonoak dituenak. Pastel, zuri eta urre-kolorezko tonuak erabili zituen eta rokoko estiloko portzelanazko apaindurazko figura txikiak, aireportuetako dendetako objektuak eta irudi erlijioso jakin batzuk izan zituen inspirazio-iturri.
Hutsalkeriaren hastapenak lanean, hiru pertsonaia era harmoniatsuan txerri bati bultzaka ari dira: bi kerubin, edozein elizakoak modukoak, eta gorriz jantzitako ume bat, AEBko edozein aldiritakoa. Bi estetika kontrajarri bateratzen ditu, sekula inor aurretik elkarrekin jartzera ausartu ez dena. Koonsek dio klase ertainaren gustuetan hartu zuela inspirazioa:
“Klase ertainarentzat, burgesiarentzat, erakargarriak ziren irudiei eta erosten zuten horri erreparatu nien”
Koonsek serie hau egin zuen gizarteak kulturaren inguruan dituen sentimenduei buruzko metafora gisa. Ikusleari esan nahi dio arteak ez diola deseroso sentiarazi behar, ezin dela elementu diskriminatzailetzat erabili; beraz, bere artelanaren bidez, ikusle bakoitzak haren historiaren arabera ulertuko duen artea egin nahi du. Berak azaltzen duen bezala:
“Irudi hauek nire pertsonaren alderdiak dira, baina ikusle bakoitzaren kultur jakintza nirea bezain perfektua da, ezin da beste inola ere idatzi: perfekzio absolutua da. Eta Hutsalkeria serieak ideia horren berri eman nahi izan du”.