Jeff Koons: atzera begirakoa
Sarrera
Teontzia (Teapot), 1979 [Berriaren aurrekoa saila]
Iruzkinak
Lore eta untxi puzgarriak (zuri luzea, untxi arrosa) [Inflatable Flower and Bunny (Tall White, Pink Bunny)], 1979 [Puzgarriak saila]
- Izenburua:
- Lore eta untxi puzgarriak (zuri luzea, untxi arrosa) [Inflatable Flower and Bunny (Tall White, Pink Bunny)], 1979 [Puzgarriak saila]
- Erakusketa:
- Jeff Koons: atzera begirakoa
- Gaiak:
- Artea eta industria | Herri-kultura | Masa-kultura | Artearen historia | Eragin artistikoa | Sorkuntza artistikoa | Forma | Kolorea | Gizakia | Generoa eta sexualitatea
- Mugimendu artistikoak:
- Surrealismoa
- Artelan motak:
- Eskultura-objektua | Ready-made
- Aipatutako artistak:
- Koons, Jeff
Koons New Yorkera joan zen bizitzera, hirurogeita hamarreko hamarkadaren amaieran, eta eguneroko bizitzan ohikoak diren eta erraz identifikatzekoak diren objektuak erabiltzen hasi zen artelanak egiteko. Binilozko untxitxo eta lore puzgarri bat, euskarri gisa baliatutako ispilu baten gainean, dira artelan honen protagonistak [Lore eta untxi puzgarriak (zuri luzea, untxi arrosa) [Inflatable Flower and Bunny (Tall White, Pink Bunny)]].
Koonsen puzgarriek Dalíren surrealismora garamatzate eta, batez ere, Duchamp-en readymadera. “Readymade” terminoaren bidez, Marcel Duchampek, XX. mende hasieran, artearen kategorian kokatu zituen industriak fabrikatutako objektu batzuk, besteak beste, botilak lehortzeko altzari txiki bat edo pixatoki bat, beren oinarri funtzionalei uko egin eta artistak aukeratu zituenak. Koonsek Duchampen lana ezagutu zuen Chicagon ikasten zebilen bitartean, Ed Paschke margolari imagistaren eskutik; Paschkeren estudioko laguntzaile ere izan zen. Koonsek erabaki zuen eguneroko bizitza izango zela bere artearen gaia, eta, esan daiteke, Koonsen artegintzaren haria aurkitutako objektuek eragiten dioten irrika dela: seriean fabrikatuak eta modu jakin batean manipulatuak edo erabiliak.
Horrelako objektuek Manhattaneko bazarrak betetzen zituzten, hirurogeita hamarreko hamarkadaren amaieran, eta gizartearen gustua erakusten zuten. Ispiluak euskarriak dira, baina horien eginkizuna, batez ere, errealitatea biderkatzea da, bai eta artelanean bertan ikuslea parte harraraztea ere, bertan islatzen baikara. Gainera, Koonsek, horien bidez, Robert Smithson-en artelanera garamatza. Entzun diezaiogun Jeff Koonsi:
"Puzgarri koloretsu alai hauek aurkitu nituenean, antropomorfikoak zirela ohartu nintzen. Gu bezalakoak dira. Gu ere globoak bezalakoak gara. Arnasa hartzen dugu eta baikortasunaren ikur gara. Hasperen egiten dugu eta heriotza-ikurra da. Puzgarri hauen karga sexuala, koloreak ikaragarri gogoko nituen. Ezaugarri maskulinoak zituztenak askoz ere gehiago ziren; zurtoin luzea izan zezaketen, zakil-itxurakoa, erabat. Beste batzuk femeninoagoak ziren. Biribilagoak ziren”.