Jeff Koons: atzera begirakoa
Hennessy, legea betearazteko modu zibilizatua (Hennessy, The Civilized Way to Lay Down the Law), 1986 [Luxua eta endekapena saila]
Luis XIV.a (Louis XIV), 1986 [Estatuaria saila]
Iruzkinak
Jim Beam—J.B. Turner trena (Jim Beam—J.B. Turner Train), 1986 [Luxua eta endekapena saila]
- Izenburua:
- Jim Beam—J.B. Turner trena (Jim Beam—J.B. Turner Train), 1986 [Luxua eta endekapena saila]
- Erakusketa:
- Jeff Koons: atzera begirakoa
- Gaiak:
- Sorkuntza artistikoa | Kontsumoa | Luxua
- Artelan motak:
- Eskultura-objektua
- Aipatutako artistak:
- Koons, Jeff
Bourbon-etxe batek, Jim Beam-ek, Regal China izeneko enpresa erosi zuen; enpresa horrek objektu txikiak, apaingarriak eta antzekoak, egiten zituen. Koons-ek Bosgarren hiribideko likore-denda bateko erakusleihoan, Jim Beam–J.B. Turner tren-dekantagailu originala aurkitu zuen, eta hura izan zuen inspirazio iturri hemen dugun altzairu herdoilgaitzeko eskultura egiteko [Jim Beam—J.B. Turner trena (Jim Beam—J.B. Turner Train)]. Originala portzelanazkoa eta plastikozkoa zen, eta zazpi elementuk osatzen zuten: plastikozko bide batzuen gainean, antzinako lurrunezko tren baten lokomotorean eta bagoiak irudikatzen zituen; guztira zazpi botila bourbon, 750 bat mililitrokoak, zituen. Xurgagailuak eta baloiak ez bezala, objektu hau apainduraren mundutik hurbilago dago, nahiz eta halakotzat ezin daitekeen hartu, kontsumorako pentsatua baitago, eta zerbait popularra eta nostalgikoa irudikatzen baitu. Beste alde bat ere badago trenaren eta etxerako gailuen artean: lurrunezko trena iraganarekin lotzen dute AEBn, Mendebaldeko konkistarekin, eta etxetresnek, berriz, teknologia modernoarekin zerikusia zuten.
Bourbon-etxeak tren itxurako dekantagailu horiek erdi-mailako bezeroentzat jarri zituen salgai. Koonsek altzairu herdoilgaitzez egin zuen horretan oinarritutako lan hau, luxu antza emateko eta, aldi berean, industria modernoaren kutsu bat emateko: estetika eta funtzionaltasuna konbinatzen ditu eta artelanei neurritasuna, sendotasuna eta pisua ematen die altzairu herdoilgaitzak, bai eta iraunkorra delako zantzua ere. Gogorra eta iraunkorra da eta, gainera, likorearen kontserbazio luzea bermatzen duenez, destilategietan barrikak barrutik estaltzeko erabiltzen da.
Trena altzairu herdoilgaitzez egin eta leundu ondoren, artistak Jim Beam-en fabrikara eraman zuen, bourbonez bete zezaten eta zegokion zigilu fiskala jarri ziezaioten; beraz, likorea, obraren benetako zerizana, barruan geratu zen betiko, zigilu pean. Bourbona edateko zigilua apurtzeak artelana hondatuko luke.