Jeff Koons: atzera begirakoa
Berria! Hau ere berria! (New!, New Too!), 1983 [Berria saila]
Hoover ‘Convertible’ xurgagailu berria (New Hoover Convertible), 1980 [Berria saila]
Iruzkinak
Hoover xurgagailu 'Convertible' berriak: berdea, berdea, gorria; Hoover 'Deluxe' zorua leuntzeko makina berriak; Shelton ‘Wet/Dry 5–Gallon’ berriak; hiru maila, bat bestela kokatua (New Hoover Convertibles Green, Green, Red, New Hoover Deluxe Shampoo Polishers, New Shelton Wet/Dry 5-Gallon Displaced Tripledecker), 1981–87 [Berria saila]
- Izenburua:
- Hoover xurgagailu 'Convertible' berriak: berdea, berdea, gorria; Hoover 'Deluxe' zorua leuntzeko makina berriak; Shelton ‘Wet/Dry 5–Gallon’ berriak; hiru maila, bat bestela kokatua (New Hoover Convertibles Green, Green, Red, New Hoover Deluxe Shampoo Polishers, New Shelton Wet/Dry 5-Gallon Displaced Tripledecker), 1981–87 [Berria saila]
- Erakusketa:
- Jeff Koons: atzera begirakoa
- Gaiak:
- Artea eta teknologia | Sorkuntza artistikoa | Forma | Kolorea | Kontsumoa | Gizakia | Generoa eta sexualitatea | Dualtasuna
- Artelan motak:
- Eskultura
- Aipatutako artistak:
- Koons, Jeff
Koonsek xurgagailuak kutxen barruan sartzea erabaki zuenean [Hoover xurgagailu 'Convertible' berriak: berdea, berdea, gorria; Hoover 'Deluxe' zorua leuntzeko makina berriak; Shelton ‘Wet/Dry 5–Gallon’ berriak; hiru maila, bat bestela kokatua (New Hoover Convertibles Green, Green, Red, New Hoover Deluxe Shampoo Polishers, New Shelton Wet/Dry 5-Gallon Displaced Tripledecker)], zera esan zuen: “Beira-arasen barruan sartzean uste dut hasi zela dena; orduan hasi nintzela artea sortzen”.
Xurgagailuak, ordurako, ez zeuden kakoetatik esekita metakrilatozko kutxen kanpoaldean, baizik eta kutxa hermetiko batzuen barruan itxiak, kanpoaldeko mundutik salbu eta edozein erabileratatik urrun.
Kolore distiratsuak eta deigarriak eta zilar-koloreko apaindurak zeuzkaten aparatu horien diseinua dela-eta, konbinazio erakargarriak egin zitezkeen. Objektu bera errepikatzeak kontsumo-gizartearen ugaritasuna adierazten digu, baina, halaber, zenbait eredu erabiltzean, desberdintasunak, gizabanakoaren berezitasuna agerian uzten ditu. Gainera, erratz-xurgagailuek duten gizonezkoen zakil-itxurari eta lera-xurgagailuen (ohiko xurgagailuen) biribiltasunaren feminitateari erreparatzen die, bai eta Wet/Dry (hezea/lehorra) ereduen dikotomia existentzialari eta sexualari ere.
Serie honen beste alderdi garrantzitsu bat da xurgagailuen egitekoa dela zikinkeria saihestea, etxea garbi eta distiratsu izateko ahalegina egitea. Beste alde batetik, arnasa hartzen duten makinak dira, puzgarriek bezala, arnasa hartu eta botatzen dute, gure birikek bezala, baina eskulturak ez dira gu bezalakoak, denboragabeak direlako, “hilezkorrak”. Entzun ditzagun Jeff Koonsen hitz batzuk:
“Zergatik ezin den berria izan. Jendeak horixe pentsatzea nahi nuen. Osotasuna edukitzeko bizi egin behar da, eta gu ez gara hilezkorrak. Hala ere, makinak hemen bere osotasuna betirako gorde dezake, erabili ez delako”.