Jeff Koons: atzera begirakoa
Babeslekua (Shelter), 1996–98 [Ospakizunak saila]
Puxika txakurra (magenta) [Balloon Dog (Magenta)], 1994–2000 [Ospakizunak saila]
Iruzkinak
Katua esekita (horia) [Cat on a Clothesline (Yellow)], 1994–2001 [Ospakizunak saila]
- Izenburua:
- Katua esekita (horia) [Cat on a Clothesline (Yellow)], 1994–2001 [Ospakizunak saila]
- Erakusketa:
- Jeff Koons: atzera begirakoa
- Gaiak:
- Herri-kultura | Masa-kultura | Sorkuntza artistikoa | Kolorea | Irudi erlijiosoak | Dualtasuna | Alaitasuna
- Artelan motak:
- Eskultura | Pintura
- Aipatutako artistak:
- Koons, Jeff
Eskultura honen gaiak, koloreek eta ustezko gozotasunak Hutsalkeria seriearen tonu sentimentala dakarkigute gogora. Koons-ek sarritan erabiltzen ditu berriro aurreko serieetan erabilitako itxura edo motiboak, eta, berreskuratzen dituenean, konnotazio desberdinak edo esanahi erabat kontrakoak ematen dizkie. Katuak eta loreak erabili izan ditu aurretik.
Lan honetan [Katua esekita (horia) [Cat on a Clothesline (Yellow)] kristau-ikonografia erabili zuen beste behin. Koonsen arabera, eskultura honek gurutziltzaketaren eszena bat sinbolizatzen du. Katua aurrez irudikatua dago, galtzerdi baten barruan sartua, galtzerdia sokatik bi pintza gorrixken bidez esekia dagoela, gurutze baten bi besoak diren bi loreren artean; figura atsekabetua da. Ezaugarri sadiko hori Koonsen artelanean afekzioaren alderdia da, eta ikusleari arropa esekitzeko soka gainean dagoen katuarekin solidarizatzea eragiten dio.
Aipatu behar da giza irudia ez dela ia agertzen serie honetan; adibide bakarra Babeslekua pinturako Lego piezak dira. Artelan hauen itxura alaia eta jai-giroa gorabehera, funtsean ospakizun guztiaren azpian dagoen pena islatzen dute. Hutsalkeria edo Zeruan egina serieetan erabilitako pastel-koloreen eta itxura erromantikoaren aurrean, hemen koloreak sutsuak dira eta artelanaren erretxinak edo serieko beste eskultura batzuen altzairu herdoilgaitzak artegatasun bitxia transmititzen dute.