Cy Twombly
Hero and Leandro (To Christopher Marlowe) [Hero eta Leandro (Christopher Marlowe-ri)]
Titulurik gabea, 1959 [202 aretoa]
Iruzkinak
Titulurik gabea, 1953 [202 aretoa]
- Izenburua:
- Titulurik gabea, 1953 [202 aretoa]
- Erakusketa:
- Cy Twombly
- Gaiak:
- Etnologia | Pan | Arte klasikoa | Artea eta mitologia | Eragin artistikoa | Ibilbide artistikoa | Sorkuntza artistikoa | Zuria | Materiala | Arkeologia | New York | Ipar Afrika | Italia | Txirula
- Mugimendu artistikoak:
- Arte Garaikidea
- Artelan motak:
- Eskultura
- Aipatutako artistak:
- Twombly, Cy
Honako hau Twombly-ren hasiera-hasierako eskulturetatik gordetzen denetako bat da, 1953an sortu zuen, hain zuzen. Garai hartan oraindik garatu gabe zuen haren ezaugarri den pintura zuriaren erabilera, geroago eskulturak bateratzeko erabiliko zuen kolorea. Hala, ikusi egiten zaio zuraren kolorea, obrari objektu aurkitu baten itxura ematen diona eta, izan ere, botatako egurrezko hesi baten miniaturazko alboko ebakidura bat ematen du. Argizarizko eta industria-pintura horixkako geruzak antzinako objektu baten itxura ematen diote. Zutik dauden egurrezko hamaika makilak ehunarekin eta kordelarekin elkarlotuak daude; eta kolokan dagoela dirudien egitura osoa iltze oker batzuekin dago eutsia.
Twomblyk New Yorken egin zuen eskultura hau, Ipar Afrikan eta Italian bidaian ibili eta gero. Bidaia hartan interes handia piztu zioten arkeologiak eta antzinako erritu-objektuek, izan ere, eskultura hau erraz asko imajina dezakegu etnografiako museo batean ikusgai.
Baina, Italian zela, Twomblyk antzinate klasikoko artea deskubritu zuen gainera. Hala, garai hartako bere obretan arte klasikoaren eta primitiboaren artean dagoen lotura aztertu zuen. Obra honetan alegia, itxura landugabea izan arren, simetria klasikoa antzeman daiteke, elkarren ondoan jarritako zutabe-sorta bat ematen baitu. Bestalde, lanaren formak Panen txirula bat gogorarazten digu, Pan jainko grekoari lotutako antzinako instrumentua. Ondorengo urteetan, Twombly are gehiago inspiratuko zen antzinako mitologian. Hemen, Panekin, naturaren jainkoarekin egindako asoziazioak eskulturaren landu gabeko izaera soila aditzera ematen digu.