Cy Twombly
Nine Discourses on Commodus (Komodori buruzko bederatzi gogoeta) [208 aretoa]
Sarrera [103 aretoa]
Iruzkinak
Quattro Stagioni (Lau urtaroak) [208 aretoa]
- Izenburua:
- Quattro Stagioni (Lau urtaroak) [208 aretoa]
- Erakusketa:
- Cy Twombly
- Gaiak:
- Eskuak | Heriotza | Artea eta denbora | Artea eta emozioa | Eragin artistikoa | Sorkuntza artistikoa | Kolorea | Gorria | Sinbologia | Urtaroak | Egipto | Gaeta | Poesia | Nicolas Poussin | Trakestasuna | Inskripzioak | Itsasontziak
- Mugimendu artistikoak:
- Arte Garaikidea
- Teknikak:
- Keinu-pintura
- Artelan motak:
- Pintura
- Aipatutako artistak:
- Twombly, Cy
Lau ataletan banatutako obra hau 1993 eta 1994 urte bitartean sortu zuen eta Lau urtaroak du izena. Lau mihiseek heriotzaren eta birsortzearen erritmo naturala gogora ekartzen dute eta gai hori azpimarratu du Twombly-k olerki zirriborratuz. Gainera, hamazazpigarren mendeko Nicolas Poussin artista frantsesak margotutako Urtaroak saileko lau mihiseen erreferentzia dira, izan ere, Twomblyk halako kidetasuna du pintore horrekin.
Orain, labur-labur begiratuko dugu mihise bakoitza.
Udaberriak, neguaren ondoren indarberritzeko aldia adierazten du. Irudian zutabe bat nabarmentzen da, gorri koloreko forma bihurrituak dituena, eta lerro gorri batzuek zeharkatzen dutena. Forma horiek Egiptoko arraun-ontzi tradizionalei so egiten diete, Twomblyk 1990eko hamarkadaren hasieratik erabili izan duen ikurra. Hemen, ontziek bidaiaren gaia aditzera ematen dute, edota denboraren joana. Ontzi gorriaren formek hori koloreko pintura orbanak dituzte sakabanatuak, eguzkiaren isla balira bezala. Udaberria titulua, artistaren inizialak eta “94ko ekaina” data margo gorriz idatziak daude. Segidan, zoriona eta itxaropena iradokitzen dituen olerki zati bat dago.
II. zatian, Uda izenekoan, ontziaren formak guztiz estalita ditu hori kolorez, udako eguzki distiratsuak ezkutatu dituela iradokitzeko, beharbada. Bertso batzuk azaleratzen dira baina berriro desagertzen dira pintura-geruzen azpian. Testua nekez irakur daiteke, baina denboraren joana eta gaztetasunaren aldi laburra aipatzen dutela suma daiteke. Mihisearen goialdean, “Baia di Gaeta” hitzak Italiako itsasaldean Twomblyk duen etxearen erreferentzia dira.
III. atalean, Udazkena izenekoan, gorri eta berde kolore ilunek eta hori kolore biziko zipriztinek urtearen garai kritikoa aditzera ematen digute. Mihisearen behealdean, ezkerretara agertzen diren hostoek, zutoinek eta aleek areagotu egiten dute sentsazio hori. Bertan, zailagoa da pasarteetan zer dagoen idatzita asmatzea, nahiz eta “your blood” —ingelesez “zure odola” esangura duena— hitzak irakur daitezkeen mihisearen bi aldetan. Mihisearen erdialdetik gertu, artistaren eskuaren arrasto gorria antzeman daiteke, obran bere presentzia fisikoa utzi nahi izan balu bezala.
IV. atalean, Negua izenekoan, berriro agertzen zaizkigu ontziaren formak; baina pintura lodiaz daude margotuak eta ondoren nahasiak, ia bereizezinak diren ditugun arte. Zuri koloreko estaldurek eta hori koloreko ukituek eten egiten dituzte forma beltzak, euripean edo elurretan, pinuen adarren itxura emanez. Negu gorrian izaten den haize eta hotz handiaren sentsazio nabarmena aditzera ematen digu irudi honek.