Cy Twombly
Suma [204 aretoa]
Sarrera [208 aretoa]
Iruzkinak
Anabasis [204 aretoa]
- Izenburua:
- Anabasis [204 aretoa]
- Erakusketa:
- Cy Twombly
- Gaiak:
- Heriotza | Marte | Artea eta denbora | Artea eta historia | Artea eta mitologia | Eragin artistikoa | Sorkuntza artistikoa | Forma | Sinbologia | Gerra | Venus | Xenofon | Trakestasuna | Indarkeria | Gurpilak | Itsasontziak
- Mugimendu artistikoak:
- Arte Garaikidea
- Teknikak:
- Marrazkia
- Aipatutako artistak:
- Twombly, Cy
1983an, sei marrazki egin zituen Twombly-k, Anabasis izenekoak. Multzo honetako marrazkiak gurdi baten irudian daude oinarrituta, nahiz eta horietako batzuetan, hemen adibidez, gurdia sei erradiodun gurpil batera murriztua agertzen den.
Twomblyren lanean ohikoa denez, Anabasis izena irudi klasiko baten erreferentzia da. Antzinako gerlari eta historialari Xenofon grekoaren obra baten titulua da Anabasis. Armada grekoak aurkarien lurraldetik egindako ibilaldia kontatzen du. Gurdia, edo gurpila, guda adierazteko irudi laburra da hemen. Gurpila partzialki borratzen duten lerro horizontalek, bortizki zirriborratutakoek, indarkeria eta suntsipena iradokitzen digute; eta gurpilaren goialdean ikusten den orban gorriak, odol-isuria. Beste lan batzuetan, gerraren jainkoa, Marte, aipatzen du Twomblyk: gizonezkoari atxikitako gerraren dinamikak erakarpen berezia sorrarazi dio, eta zenbaitetan Venusen irudiarekin kontrastatzen du, maitasunaren emakumezko sinboloarekin. Gainera, Venusek ere gurdi bat du, usoek tiraka eramaten dutena.
Anabasis hitz grekoaren itzulpen literala hauxe da: “barrualderantz egindako espedizioa”. Bidaiaren ideia iradokitzean, Twomblyren obran, itsasontziaren motiboarekin lotua dago gurdia. Erakusketa honetan ikusi ahal izango duzunez, denboraren joana eta gizakiaren hilkortasuna aditzera emateko erabiltzen du Twomblyk itsasontzia.