Artea eta Txina 1989 ondoren: Munduaren antzerkia
Inperioen aroa
Shangaiko arte garaikidearen artxiboaren gaineko proiektua
Atalak
Herri-ikerketa
- Izenburua:
- Herri-ikerketa
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta gizartea | Artea eta politika | Artea eta teknologia | Artea eta sare sozialak | Zentsura
- Aipatutako artistak:
- Ai, Weiwei
2009ko martxoak 20–2010eko maiatzak 12
Aktibista eta artista: Ai Weiwei. Online ikerketa-kanpaina eta herritarren ekimena
Twitter 2006an zabaldu zenean, Ai haren erabiltzaile obsesibo bilakatu zen, eta Txinaren arrakastaren kontakizunaren alderdi ilunari buruzko iruzkinek osatzen zuten haren eguneroko praktika artistikoa. Twitterren bidez, Ai-k eta beste batzuek irtenbide bat topatu zuten adierazpen askerako eta giza eskubideen eta legezko erreformaren aldeko kanpaina egiteko. Hemen erakusgai dauden bi kutxetan Ai-ren Twitterko lehen mezuen eta blogeko testuen artxibo osoko milaka orrialde daude.
Herriko agintariek 2008ko maiatzeko Sichuan-go lurrikara handiaren biktimei buruzko informazioa ezkutatu zutenean, Ai-k Herri-ikerketa jarri zuen abian, 160 boluntarioko sare batekin, zeinak datu-bilaketaren prozesuaren online argitalpena, ikerketa-erregistroa eta hildako ikasleen zerrenda hartu baitzituen barne. Dokumentalek, izenen zerrenda inprimatuak eta argazkiek dokumentatu zituzten proiektu honen jarduerak eta aurkikuntzak. 2009an, Ai-k gaizki eraikitako eskoletan hil ziren 5.386 ikasleen izenak eta adinak argitaratu zituenean —eraikuntzarako funtsak ustelkeriaz galdu zirelako inplikazioekin—, agintariek Ai-ren bloga itxi zuten. Hurrengo urtean, poliziak Ai erasotu eta atxilotu zuen Chengdu hirian, Ai bere lagun aktibista baten epaiketan zela, hura ere lurrikara ikertzen aritutakoa. Zauri larriak izan zituen, eta zaurien frogak, Alemanian ondoren izan zuen sendabidearen deskribapenarekin batera, Twitterren bidez igorri zituen. Ai Weiwei-ren sare sozialen erabilerak une labur bat markatu zuen Txinan, zelata eta zentsura osorik garatu baino lehen, Internetek espazio utopiko komun baten balioa izan zuena, non gizabanakoak elkarrekin konekta zitezkeen mundu errealean ekintzak antolatzeko. “Askatasunaren alde borrokatu”, aholkatu zien Ai-k artista gazteei. “Ahaztu artea”.