Artea eta Txina 1989 ondoren: Munduaren antzerkia
Wu Shanzhuan (吴山专)
Wang Gongxin (王功新)
Atalak
Ai Weiwei (艾未未)
- Izenburua:
- Ai Weiwei (艾未未)
- Azpititulua:
- 1957
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta identitatea | Artea eta kultura | Kultura eta globalizazioa
- Artelan motak:
- Argazkia | Pintura | Ready-made
- Aipatutako artistak:
- Ai, Weiwei
Han dinastiako ontzia Coca-Colaren logotipoarekin, 1993
Pintura loza gainean
M+ Sigg Collection, Hong Kong, dohaintza
Han dinastiako ontzi bat erortzen uzten, 1995 (2017an inprimatua)
Zilar-gelatinazko hiru kopia
Honen eskaintza: Ai Weiwei Studio
Ai Weiwei 1993an itzuli zen Pekina, hamarkada bat baino gehiago New Yorken eman ondoren. Mundu osoko bere belaunaldiko artista asko bezala, Ai Weiwei ere Marcel Duchamp-en “readymade” izenekoekin zaletu zen,—aurkitutako objektuak, artearen estatusera jasoak—, zeinek kulturaren balio-sistemen kontrako erasoa inplikatzen zuten. Bi obra hauek, batak zein besteak bereganatzen dute Ai-k “readymade kulturala” izendatu duena: buztinezko ontzi arrunt bat, Txinako nazioaren fundazioarekin loturiko Han dinastia famatuaren garaian datatua (K.a. 206–K.o. 220). Han dinastiako ontzia Coca-Colaren logotipoarekin izenekoan, Txinako nazioaren ikurra izan daitekeen ontzi bat guztiz estatubatuarra den logotipo batekin profanatzeak hainbat auzi sorrarazten ditu, besteak beste nola kulturek elkar bereganatzen duten, eta nola izendatzen den balioa testuinguru honetan. Ai-k argazki-triptiko baten bidez dokumentatu zuen Han dinastiako ontzi bat erortzen uzten obraren ekimena. Ai-ren ekimen ikonoklasta arinak burla egiten die artelanei eta haien inguruko egitura kulturalekin loturiko balioei; esan zuen bezala, “Zerbait boteretsua da bakar-bakarrik norbaitek boteretsua dela pentsatzen duelako”.