Artea eta Txina 1989 ondoren: Munduaren antzerkia
Cai Guo-Qiang (蔡国强)
Atalak
[Liburu estalkia]
- Izenburua:
- [Liburu estalkia]
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta identitatea | Kultura eta globalizazioa | Zentsura
- Aipatutako artistak:
- Ai, Weiwei | Xu, Bing
Liburu estalki beltza, 1994, argitaratzaileak: Zeng Xiaojun, Ai Weiwei eta Xu Bing, Zi Gong-ekin (Feng Boyi).
Argitaletxea: Tai Tei Publishing Company, Hong Kong
Liburu estalki zuria, 1995, argitaratzaileak: Zeng Xiaojun eta Ai Weiwei, Zhuang Hui-rekin. Argitaletxea: Tai Tei
Publishing Company, Hong Kong
Liburu estalki grisa, 1997, argitaratzaileak: Zeng Xiaojun eta Ai Weiwei, Zhuang Hui-rekin.
Argitalpen pribatua
Liburu estalki beltza (1994), Liburu estalki zuria (1995) eta Liburu estalki grisa (1997) izenekoek eraturiko trilogia argitalpen-proiektu independentea izan zen, eta 1989aren ondorengo Txinaren arte-eszena esperimentalaren sentiberatasuna islatu zuen. Zenbait urtez New Yorken bizi ondoren, Pekinera itzuli berriak ziren Ai Weiwei, Xu Bing eta Zeng Xiaojun artistek abian jarritako ekimen hark foro independentea eta zentsura gabea eskaintzen zuen, artistek “beren arte esperimentala argitaratu, azaldu eta trukatzeko aukera izan zezaten”. Marcel Duchamp-engandik Ai Weiwei-rengana zihoazen artista probokatzaileen obren eta saiakeren antologia hura artistek artistentzat antolatu zuten, berrikuntza-iturri gisa eta zabaltasunez ezin erakutsi ziren sorkarien zabalkunde-espazio moduan. Liburuetan baziren, besteak beste, Jenny Holzer eta Jeff Koons bezalako naziorteko irudiei buruzko testuak, Pekingo eta beste eskualdeetako artista esperimentalen proiektu berrien aipamenen ondoan, eta debate global zabalago batean kokatzen zuten Txinako arte garaikidearen jarduna. Banaketa mugatua izan bazuten ere, argitalpen haiek eragin handia izan zuten agertoki artistiko hartan, zeinak bere burua berreraikitzen ziharduen etengabe aldatzen ari zen testuinguru batean.