Artea eta Txina 1989 ondoren: Munduaren antzerkia
Maitagarri-ipuina
Bishango Komuna
Atalak
Martxa luzea proiektua
- Izenburua:
- Martxa luzea proiektua
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta gizartea | Artea eta historia | Martxa Luzea | Talde-memoria
- Artelan motak:
- Bideoa | Performance
- Aipatutako artistak:
- Qiu, Zhijie
1999–gaur arte
Fundatzailea: Lu Jie. Aribidean dauden komisario-praktika eta interbentzio artistikoak, Txinan eta kanpoan
Martxa Luzea Proiektua arte-esperimentu zabal, urte askoko bat da, milaka parte-hartzaile dihardutena, txinatarrak nahiz nazioartekoak, elkarlanean eta ikerketan oinarrituriko proiektuetan. Kolektiboki, kontzientzia historikoa berrinterpretatu nahi dute, eta modu berri sortzaileak garatu nahi dituzte errealitate politiko, sozial, ekonomiko eta kulturalei heltzeko. 2002ko uztailean, Lu Jie komisario eta teorialariak, Qiu Zhijie artistarekin batera, Martxa Luzea—Erakustaldi bisual ibiltaria izenekoa jarri zuen abian: gertaera, erakusketa eta performanceen sorta bat, Armada Gorriak 1935–36 urteetan herrialdearen barrenaldean zehar egin zuen martxa historikoaren ibilbideko hainbat tokitan gauzatu zirenak. Haien jatorrizko proposamena dago hemen erakusgai. Paretako Martxa Luzearen glosarioak iradokitzen duen bezala, proiektuak oroimen iraultzaile modernoa berraztertzen du hainbat testuingurutan, eta artea gizarte garaikidean txertatzeko metodo berriak proposatzen ditu. Harmailetan ipinitako tabletetan erakusketako bisitariak Martxa Luzea Proiektuaren weborrira jo dezake, han baitaude artxibatuta ehunka jarduera kolektibo, artistak, komisarioak, idazleak, historialariak, filmegileak eta bertako publikoak parte hartu zutenak. Filmak Martxa Luzea Proiektuaren gertaera bat dokumentatzen du, kalean egin zena eta New Yorken aurkeztu zena, Performa-ren parte gisa, 2007an.