Artea eta Txina 1989 ondoren: Munduaren antzerkia
Sarah Morris
Ellen Pau (鲍蔼伦)
Atalak
Xu Bing (徐冰)
- Izenburua:
- Xu Bing (徐冰)
- Azpititulua:
- 1955
- Erakusketa:
- Artea eta Txina 1989 ondoren: Munduaren antzerkia
- Gaiak:
- Materialtasuna | Espiritualtasuna
- Artelan motak:
- Instalazioa
- Aipatutako artistak:
- Xu, Bing
Non metatzen da hautsa?, 2004
Hautsa, aldamioa, egurra, txantiloia, eta zilar-gelatinazko sei kopia
Artistaren eskaintza
2001eko irailaren 11n, Xu Bing-ek Dorre Bikiak jausten ikusi zituen Brooklynen zuen estudioaren kanpoaldetik. Xu-k New Yorken zuen egoitza 1990az geroztik, eta, gertaera haren larritasun ikaragarria eta haren ondorioak prozesatu eta haiei buruzko gogoeta egiteko, txan budismoaren sutretara jo zuen; irakaspen horiek azaltzen dute bizitza eta gorputza iragankorrak eta hutsalak direla.
Lower Manhattan-en irailaren 11ren ondoren kaleetan jaso zituen eraikin-hondakinekin egin zuen Non metatzen da hautsa? Berebat erakusgai daude Xu-k hautsa nola jasotzen eta garraiatzen zuen erakusten duten argazkiak. Ikusleak, hondamendiaren ondoren New York hirian ezarri ziren aldamio-egituren antzeko plataforma goratutik behera begiratuz gero, hauts gainean txantiloi batez idatzitako ahapaldi labur hau irakur dezake: “Aurrekotik ezer gelditzen ez denez, non metatzen da hautsa?”. Txan budismoaren olerki ospetsu bateko pasartea da, Huineng-ek (638–713) idatzitakoa.