Artea eta Txina 1989 ondoren: Munduaren antzerkia
Chen Zhen (陈箴)
China/Avant-Garde erakusketaren inaugurazioari buruzko dokumentazioa
Atalak
Shen Yuan (沈远)
- Izenburua:
- Shen Yuan (沈远)
- Azpititulua:
- 1959
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta gizartea | Artea eta kultura | Erbestea
- Artelan motak:
- Instalazioa
- Aipatutako artistak:
- Shen, Yuan
Nanling-eko historia
1957–2005, 2005
Tinta eta akuarela paper gainean; koloretako bideoa, soinuduna, 10 min
Artistaren eta Tang Contemporary Art-en eskaintza, Pekin
1990ean Parisera bizitzera joan zenetik, Shen Yuan eskultura eta instalazioaren artean oinarrituriko artegintzan aritu da, eta bere praktikan erreferentzia autobiografikoak eta mihiztaketa konbinatzen dituen artea landu du, mugimendua, emigrazioa eta lekualdatze kulturala bezalako kontzeptuez gogoeta egiteko. 2005ean Zhong Guora bueltan: tontoek mendiak mugitzen dituzte proiektuan parte hartu zuten lau artistetako bat izan zen Shen; anbizio handiko proiektu kultural bat izan zen, Nanling Ruyang inguruan garatu zena. Nanling-eko historia 1957–2005 proiektuarentzat, eskualde hartako basoen sailarekin lotuak zeuden hainbat adinetako hogei bat emakumerekin elkarlanean aritu zen Shen. Artistak elkarrizketatu egin zituen emakume haiek, eta eskatu zien irudikatzeko eskualdeaz zituzten oroitzapenak, pintzela eta papera erabiliz. Jasotako historiek kontaketa intimoak, bertakoak, eta Txinako hegoaldearen garapenaren inguruko diskurtso zabalago bat bateratzen dituzte, eta argi nabarmentzen dute leku fisikoaren eta ikusmolde partzialen eta desberdinen garrantzia. Idatzi horiek plataforman bildu dira, elkarrizketak biltzen dituen bideoaren inguruan. Instalazioa osatuz, Shen-ek egindako akuarela batzuk daude, Nanling-eko mendien edertasun idilikoa agertu, eta lekuaren historia berregina ere jasotzen dutenak.