Artea eta Txina 1989 ondoren: Munduaren antzerkia
Shen Yuan (沈远)
Yang Fudong (杨福东)
Atalak
China/Avant-Garde erakusketaren inaugurazioari buruzko dokumentazioa
- Izenburua:
- China/Avant-Garde erakusketaren inaugurazioari buruzko dokumentazioa
- Azpititulua:
- Arte Galeria Nazionala, Pekin, 1989ko otsailak 5 Diapositibak koloretan eta zuri-beltzean Honen eskaintza: Gao Minglu
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta kultura | Artea eta politika | Kritika | Erakusketak
- Artelan motak:
- Performance
- Aipatutako artistak:
- Wu, Shanzhuan | Xiao, Lu | Zhang, Nian
China/Avant-Garde erakusketaren inaugurazioak 1980ko hamarkadako esperimentu artistikoen gailurra markatu zuen. Antolatzaileak erakustaldi hura —herrialde osoko azkenaldiko arte garaikidearen laburbilduma bat— muntatzeko gauza izatea, non, eta estetika sozialistaren tenplu sakratu hartan, garai haietako giro kultural irekiaren lekukotasuna zen, baina baita artistek agintari kulturalek indarrez ezarritako funtsezko baldintza murriztaile bati men egitearen ondorioa ere; hau zen baldintza: performance-arterik ez. Aro hartako tonu ikonoklastaren ildotik, segituan bortxatu zuten artistek debekua. Hemen agertzen den dokumentazioak zenbait artistaren ekitaldi irekiak eta legez kanpoko performanceak erakusten ditu, haien artean Li Shan, Wu Shanzhuan eta Zhang Nian-enak. Xiao Lu-k bere telefono-kabinez osaturiko instalazioari (Elkarrizketa, 1989) bi tiro egin zizkionean bukatu ziren transgresio haiek, erakusketa berehala itxi baitzuten.
Wu Shanzhuan-en Negozio Handia (1989) izan zen gehiena eztabaidatu zen performancea. Artistak bere sorterriko ganba gordinak eraman zituen, eta salgai jarri zituen erakusketako aretoetan. Keinu ironiko harekin, merkatuko postu txikia eta erakusketaren espazioko merkataritza intelektuala bateratu zituen Wu-k. Erakusketaren antolatzaile-burua zen Gao Minglu bera ere onartzera heldu zen geroago pieza hura “matxinada” egokia izan zela “arte-museoaren eta arte-kritikarien kontra”.