Artea eta Txina 1989 ondoren: Munduaren antzerkia
Song Dong (宋冬)
Shen Yuan (沈远)
Atalak
Chen Zhen (陈箴)
- Izenburua:
- Chen Zhen (陈箴)
- Azpititulua:
- 1955–2000
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta gizartea | Artea eta kultura | Artea eta politika | Kontsumoa | Espiritualtasuna
- Artelan motak:
- Instalazioa
- Aipatutako artistak:
- Chen, Zhen
Fu Dao/Fu Dao, Buda buruz behera/Zoriontasunera iristea, 1997
Altzairua, banbua, Budaren erretxinazko estatuak, garbigailua, ordenagailu-monitorea, pneumatikoak, bizikleta, haizemailea, aulkia, etxetresna elektrikoak, aurkitutako beste objektu batzuk eta soka
Honen eskaintza GALLERIA CONTINUA, San Gimignano/ Pekin /Les Moulins/Habana
Chen-en instalazioa tenplu budistetako santutegietako pagoden egitura oktogonalaren erreplika bat da. Baina espazio transzendentea izan ordez, egunerokotasunean erabiltzen diren traste industrialen kakofonia bisual baterako gonbita egiten dio Chen-ek publikoari, berak “hileta esekia” deritzonerako gonbita. Auto baten atearen zatiak, haizemaile elektrikoa, pachinko makina bat eta zenbait telebista ageri dira dilindan esparru oktogonalean, zeinaren jatorrizko estalkia baitago banbu landare pilez osatua. Barruan, jainko budisten iruditxoak, masan ekoitziak, luzera desberdinetako soketatik buruz behera zintzilikatuak. Fu Dao/Fu Dao izenburuak txineraz antzera ahoskatzen diren karaktereen esanahi desberdinen arteko jokoa egiten du: fu dao esapideak “Buda buruz behera” esan nahi du, eta Urte Berriko ohiko esaera da gainera, “zoriontasunera iristea”. Chen-ek obra honi buruz idatzitako oharretan, bere lanerako funtsezkoa den galdera bat egiten zuen: nola zitekeen asiar herriak “gure gizarte modernoa, gure kultura garaikidea eta gure sistema politiko berezia eraikitzea” budismoaren “desmaterializazio-espirituaren” eta oparotasunarekiko eta kultura kontsumistarekiko “obsesio” kapitalista modernoaren artean harrapatutako errealitate batean?