Artea eta Txina 1989 ondoren: Munduaren antzerkia
Shangaiko arte garaikidearen artxiboaren gaineko proiektua
Martxa luzea proiektua
Atalak
Maitagarri-ipuina
- Izenburua:
- Maitagarri-ipuina
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta gizartea | Artea eta emozioa
- Aipatutako artistak:
- Ai, Weiwei
2007
Artista: Ai Weiwei. Documenta 12rako antolaturiko gertaera partizibatibo ibiltaria
Documentaren 2007ko ediziorako, Ai Weiwei-k 1.001 txinatar herritar arrunten aldi bateko migrazioa antolatu zuen, Kasselera (Alemania), non bost urtez behin nazioarteko arte-erakusketa famatu hau egiten baita. Bere bloga erabiliz, Ai-k bidaia-eskaintza bat egin zuen, gastu guztiak ordainduta, eta hiru egunean 3.000 eskaera baino gehiago jaso zituen. Pasaporteak eta bisak eskuratzen lan handia egin ondoren, talde handi batek, haien artean langabezian zeuden pertsonak, poliziako funtzionarioak, nobelistak, saltzaile ibiltariak, ikasleak, nekazariak eta zailtasunak zituzten artistak, eta haietako batzuen seme-alabak, joan ziren bidaian. Ai-k Maitagarri-ipuina deitu zion bere proiektuari, Kasselen lan eginak ziren Grimm anaiei erreferentzia eginez, baina aldi berean keinu bat eginez beren herritik sekula aterako zirenik ere bururatu ez zitzaien 1.001 lagunek gogoan zuten ametsari. Ai Weiwei Studio-k haien ekipaiaren eta arroparen pieza bakoitza diseinatu zuen, eta Kasseleko ehun-fabrika zahar bat birgaitu zuen egoitza gisa. Parte-hartzaileei, iristen zirenean, USB memoria zuen pultsera bana ematen zitzaien, proiektuari buruzko informazioa zeukana, eta erakusketaren esparruan sartzeko balio ziena. Ez zen beste eskakizunik. Ai-k pertsona bakoitzaren esperientzia berezia dokumentatu zuen, elkarrizketa grabatuekin, argazki-sail batekin eta 99 puntuko galdetegi batekin, iraupen laburreko komunitate utopiko baten erretratu hunkigarri bat sortuz.