Making Africa. Gaur egungo diseinuaren kontinentea
Zohra Opoku, Argizariz tindatutako espetxea (Wax Print Prison), Nork darama nire elastikoa (Who Is Wearing My T-Shirt) sailekoa
Ikiré Jones, Our Africa 2081 A.D.
Iruzkinak
Leonce Raphael Agbodjelou, Titulurik gabea (gihartsuak) [Untitled (Musclemen)]
- Izenburua:
- Leonce Raphael Agbodjelou, Titulurik gabea (gihartsuak) [Untitled (Musclemen)]
- Erakusketa:
- Making Africa. Gaur egungo diseinuaren kontinentea
- Gaiak:
- Giza gorputza | Argazkigintza | Eragin artistikoa | Kritika | Kolorea | Erretratua eta autorretratua | Afrika
- Artelan motak:
- Argazkia
- Aipatutako artistak:
- Agbodjelou, Leonce Raphael
Argazki-sail honek Titulurik gabea (gihartsuak) [Untitled (Musclemen)] izena du. Argazkietan, gizon batzuek tokiko ehunez egindako galtzak daramatzate. Ehunak argazkiaren atzealdean ageri direnen antzekoak dira. Eskuetan, plastikozko loreak dituzte. Estudioko fotografian ezinbestekoa den attrezzoko pieza.
Gorputz-enborra agerian edukitzeak, biluzik egoteak, 1980ko hamarkadako nekazaritza-populazio txiroaren itxura gogora ekartzen du, baina, aldi berean, gizonen jarrerek nazioarteko heroi garaikideak oroitarazten dituzte.
Argazki hauek Leonce Raphael Agbodjelouren lanak dira. Beningo argazkilari honen lanean eragina izan du aitaren, estudioko argazkilari ezagun baten, laguntzaile gisa izandako esperientziak. Elkarrekin joan ohi ziren Beningo herrietara estudio mugikor batekin, erretratuak ateratzeko. Mendebaldeko Afrikako usadiozko argazkigintzari jarraituz, ehun koloretsuen aurrean esertzeko eta hainbat osagarri eusteko eskatzen zioten jendeari.
Argazki hauek, era berean, tradizio horren gaineko ordaina eta begirada ironikoa dira. Tradizioaren eta modernitatearen artean dagoen tentsioa ere nabari da. Gainera, giharrak erakusteak eta eguzkitako betaurreko islatzaileek ukitu modernoa ematen diote eta egurrezko aulki tradizionalarekin kontrastatzen du.