ERRUSIA!
Ama Birjinaren iragaitzaren katedraleko ikonostasia, Kirillo‑Belozersk monasterioan
Sakkosa eta mitra
Iruzkinak
Errege-ateak
- Izenburua:
- Errege-ateak
- Erakusketa:
- ERRUSIA!
- Gaiak:
- Artea eta erlijioa | Sinbologia | Ikonoa | Errusia
Errege ateak ikonostasiaren erdian egon ohi dira, eta santutegirako sarbidea dira. Sinbolo bikoitza dira: batetik, Jerusalemgo Tenpluko Sancta Santorumeko sarbidea estaltzen duen gortina irudikatzen dute, eta, bestetik, zeruko ateak era badira, Kristok gizakiak berrerosteko egin zuen sakrifizioari esker irekitzen direnak. Eukaristian zehar, apaizak ateak irekitzen ditu, eta misterioz Kristoren gorputz eta odol bilakatu diren ogia eta ardoa ateratzen ditu. Mezako pasarte horrek esan nahi du Kristok giza forma hartu duela, eta mundura etorri dela.
Modu ikusgarrian apaindutako ate hauek hamazazpigarren mendekoak dira, eta paradisuko ateen irudi poetikoa osatzen dute. Apaindura oparoa ere sinboloz josia dago: zutabe bakoitzaren goiko aldean zizelkatuak diren eskuek apaizak Eukaristian zehar egiten duen keinu berezi bat irudikatzen dute; halaber, lore-diseinu ugariak Kristoren etorrerak munduaren biziberritzea dakarrela adierazten du. Egurrezko kutxa landuetan dauden ikono txikiek Errusiako elizen itxura dute, errege-ateek elizaren jardunean duten garrantzia nabarmenduz. Alderdi hori are gehiago indartzen dute sarreraren gaineko gainazal lauko irudiek. Erdiko ikonoa Hirutasun Santuari dagokio, hots, Aitari, Semeari eta Espiritu Santuari. Haren inguruan, batetik, Kristoren ikonoa dago, apaiz gisa irudikatua; eta, bestetik, Apostoluak ageri dira jaunartzea egiten. Albo bietako zutabeek santu eta profeten irudiak dituzte. Horiek ere, modu sinbolikoan lotzen zaizkio Kristorenganako prozesioari.