ERRUSIA!
Alexander Brodsky, Materia grisa
Vadim Zakharov, Errusiako artearen historia. Abangoardietatik kontzeptualisten Moskuko eskolara
Iruzkinak
Oleg Kulik, Emakume kirolaria eta Kosmonauta
- Izenburua:
- Oleg Kulik, Emakume kirolaria eta Kosmonauta
- Erakusketa:
- ERRUSIA!
- Gaiak:
- Gizakia | Artea eta denbora | Artea eta espazioa | Artea eta gizartea | Artea eta komunikabideak | Sorkuntza artistikoa | Materiala | Erretratua eta autorretratua
- Mugimendu artistikoak:
- Arte Garaikidea
- Artelan motak:
- Instalazioa
- Aipatutako artistak:
- Kulik, Oleg
Argizarizko bi irudi hauek 2002. eta 2003. urteetan egin zituen Oleg Kulik-ek, eta haren Museo seriekoak dira. Bi lanek pertsona ospetsuak irudikatzen dituzte. Emakume kirolaria Anna Kournikova tenislari ospetsua da, eta Kosmonauta, berriz, Yuri Gagarin sobietar astronauta. Azken hori, lurraren inguruan orbitatzen zuen lehen pertsona izan zen 1961ean, eta nazioartean ospetsu bilakatu zen horrexegatik.
Madame Tussaud’s eta antzeko museoetako argizarizko irudiak ez bezala, Kuliken irudiek ez dute erabat errealak emateko asmorik. Nabarmen artifizialak dira. Kulikek ageriko junturak uzten ditu, orbain lodi eta josien itxurakoak. Baina irudiak erakusten diren era dela medio, harridura eta ikuskizuna eragiten ditu; izan ere, airean daude esekita. Kosmonauta lanak, zehazki, aireko eta espazioko museoetan aro espazialeko lorpenak ospatzeko antolatzen ziren erakusketak gogorarazten ditu.
Kosmonauta salbu, Museo serieko irudi guztiak beirazko kutxetan sartuta erakusten dira, natura historiako museoetan egin ohi den eran. Izan ere, natura historiako museoetan, diorametan sartuta izaten dira giza irudiak, basa animalia disekatuak eta agertokiak, dagokion gaiari bizitza emateko asmoz. Kulikek ikuskizun kulturari behatzen dio, bai ospearen eta bai artearen aldetik. Izar kulturalak loria uneetan gordeta daude, baina, halaber, giltzapean daude, animalia hilen antzera, ikusleen begiraden mende betiko.