ERRUSIA!
Gueli Korzhev, Bandera altxatzen
Erik Bulatov, Krasikov kalea
Iruzkinak
Dmitri Zhilinsky, Sobietar Errepublika Sozialisten Batasuneko gimnastak
- Izenburua:
- Dmitri Zhilinsky, Sobietar Errepublika Sozialisten Batasuneko gimnastak
- Erakusketa:
- ERRUSIA!
- Gaiak:
- Artea eta kirola | Eragin artistikoa | Sorkuntza artistikoa | Kolorea | Perspektiba | Tamaina | Erakusketak | Erretratua eta autorretratua | Joko Olinpikoak | Herri-kultura | AEB | Errusia
- Mugimendu artistikoak:
- Arte Garaikidea | Errealismo sozialista | Pop Artea
- Artelan motak:
- Pintura
- Aipatutako artistak:
- Roginsky, Mikhail | Zhilinsky, Dmitri
Ohol gaineko pintura monumental hau, Sobietar Errepublika Sozialisten Batasuneko gimnastak, Dmitri Zhilinsky-k sortu zuen 1965ean. Munduko txapelketetan eta Joko Olinpikoetan dominak irabazi zituzten sobietar kirolari ospetsuen talde-erretratua da. Sobietar Batasunean osasun fisikoaren eta trebetasun atletikoen gainean zegoen enfasi kulturala islatzen du. Hori halako nazioarteko kirol-txapelketetan ikusten zen gehien. Irudiak antolatzeko era dela medio, bakarrak begiratzen dio zuzenean ikusleari, lehen planoan erdialdean makurtuta dagoen gizonak, hain zuzen. Besteak era estatikoan erakusten dira; ez dago elkarrekintza errealik haien artean, ez eta egiazko kontakizunik ere. Zhilinskyk teknika modernistak erabili zituen efektu apaingarri biziak sortzeko: perspektiba laua, ia bi dimentsioko irudiak, itzalik eza, eta kolore nabarmen eta biziak. Teknika horiek artean debekatuta zeuden Sobiet Batasunean, baina, hala eta guztiz ere, lan honek gorespen handiak jaso zituen artista talde ofizialetan.
Mendebaldeko joerei lotutako beste lan bat hemendik gertu erakusten den tamaina naturaleko ate gorria da. Ate gorria lana ere 1965ekoa da, eta Mikhail Roginsky artistak sortu zuen. Roginskyren inspirazio-iturri izan ziren Edward Hopper eta Ben Shahn estatubatuar artisten margolanak. Margolan horiek 1959an ikusi zituen, Moskuko Sokoloniki Parkean egin zuten Estatubatuar Margolan eta Eskulturen Erakusketan. Hopperren lanean, bereziki, Errealismo Sozialistarena baino ikuspegi informalagoa ezagutu zuen, batez ere estatubatuar artistak hiriko eszenak eta garaiko eguneroko bizitzako objektu arruntak irudikatzeko erabiltzen zuen moldean. 1960ko hamarkadaren hastapenetatik hasita, Roginskyk hainbat eratako eguneroko objektuak margotu zituen, komunetatik hasi eta metrora bitarte. Mendebaldeko pop artistek 1960ko hamarkadan erabiltzen zutenaren antzeko modu laua baliatzen du. Baina bada ezberdintasun bat, Roginskyrenak ez baitira masa kontsumismoko objektuak: sobietar bizitzako produktu komunal estandarizatuak dira, eta haren lanak ez du sobietar kulturaren gaineko iruzkin ironikorik edo kritikorik eskaintzen.