ERRUSIA!
Christian Cornelius Krohn, Sergei Shchukin-en erretratua eta Konstantin Korovin: Ivan Morozov‑en erretratua
Ilya Mashkov, Alkandora pintatua duen mutilaren erretratua
Iruzkinak
Paul Gauguin, Solasa (Les Parau Parau)
- Izenburua:
- Paul Gauguin, Solasa (Les Parau Parau)
- Erakusketa:
- ERRUSIA!
- Gaiak:
- Bildumagintza | Eragin artistikoa | Sorkuntza artistikoa | Kolorea | Paisaia | Errusia | Ivan Morozov | Sergei Shchukin
- Mugimendu artistikoak:
- Abangoardia | Arte Garaikidea | Primitibismoa
- Artelan motak:
- Pintura
- Aipatutako artistak:
- Gauguin, Paul
Paul Gauguin artista frantsesaren margolan hau 1891koa da, hots, artista Polinesian izan zen lehen urtekoa. Bizimodu soilago eta erromantikoago baten bila joan zen Europatik, eta irudi hau, egiazko eszena baten deskripzioa baino gehiago, betiereko mundu baten irudia da, aldaketarik gabe isurtzen den bizimodu baten irudia. Emakumeak solasean ari dira biribilean eserita: behealdean, ezkerretara, irakur daiteke, Les Parau Parau, hau da ‘hitz eta pitz’ edo ‘esamesaka’. Baina gaiaren egunerokotasunak ez du misterioa galarazten. Naturarekin batera egindako bizimoduaz Gauguinek sortu zuen irudiaren zati da Tahitiko paisaia exotikoa eta bizia.
Margolan hau da Ivan Morozov‑ek 1907an erosi zituen Gauguinen lehen bi lanetako bat. Urtebete geroago, artistaren beste zortzi lan berebiziko eskuratu zituen. Sergei Shchukin beste bildumagileak ere Gauguinen hamasei lan batu zituen, lan ederrenetakoak, eta horiekin bere jangelako horma oso bat estali zuen, lurretik sabairaino, ikonostasi modernistaren moduko bat izango balitz bezala. Gauguinen lanak eragin sakona izan zuen Errusiako abangoardiako artistengan; izan ere, haren kolore biziak eta haren estiloaren primitibismoa miretsi zituzten.