ERRUSIA!
Ilia Repin, Volgako batelariak
Vasili Smirnov, Neron-en heriotza
Iruzkinak
Grigori Miasoedov, Segalariak
- Izenburua:
- Grigori Miasoedov, Segalariak
- Erakusketa:
- ERRUSIA!
- Gaiak:
- Artea eta gizartea | Artea eta politika | Artearen demokratizazioa | Sorkuntza artistikoa | Erritmoa | Mugimendua | Landa-eszenak | Ibiltarien taldea | Errusia
- Artelan motak:
- Pintura
- Aipatutako artistak:
- Miasoedov, Grigori
Segalariak, 1887an egina, Grigori Miasoedov-en lanik ezagunenetarikoa dugu. Nekazarien kausa aurrera eramaten buru‑belarri aritu zen Miasoedov, artista gisa. Lan honek goretsi egiten ditu Errusiako landa zabala eta lurra lantzen duten nekazariak. Behe‑behetik begira ari bagina bezala irudikatzen du eszena artistak, eta horrek monumentu izaera ematen die artasoroko giza irudiei. Segalariak bata bestearen atzean ipintzen ditu, lerro diagonalean, distantzian urruntzen direla. Hartara, erritmoaren eta mugimendu ahaltsuaren sentipena sortarazten du. Aurrealdean ezkerretara dagoen eskuareak, hor oraintxe utzi dutela dirudien horrek, berehalakotasuna ematen dio irudiari; era berean, begia barrurantz dakar, erdialdeko talderantz. Eta ezkerrean urruti lanean diharduten giza irudi txikiek eszenaren eskala handi, epikoa ezartzen dute.
Miasoedovek rol nabarmena jokatu zuen Arte-Erakusketa Ibiltarietarako Elkartean, askotan Ibiltzaileak izenarekin ezaguna den elkarte horretan. Funtsezko zeregina egin zuen elkartearen printzipioak formulatzean. Fedor Dostoyevsky, Leo Tolstoy eta beste zenbait idazlerekin batera, Ibiltzaileek ideal demokratikoak adierazteko erabili nahi zuten euren artea. Haien erakusketa ibiltariek, berriz, hainbat jenderengana ekarri zuen arte garaikidea, Moskuko eta San Petersburgoko arte-zentro nagusietatik kanpo.