ERRUSIA!
Rastrelli, Pedro I.aren erretratua
Egile ezezaguna, Yakov Turgenev-en erretratua
Iruzkinak
Antoon Van Dyck, Autorretratua
- Izenburua:
- Antoon Van Dyck, Autorretratua
- Erakusketa:
- ERRUSIA!
- Gaiak:
- Bildumagintza | Eragin artistikoa | Sorkuntza artistikoa | Erretratua eta autorretratua | Museoak | Errusia | Katalina II.a Handia
- Artelan motak:
- Pintura
- Aipatutako artistak:
- Rubens, Peter Paul | van Dyck, Anton
Antoon Van Dyck pintore flandestarraren autorretratu hau Katalina Handiak erosi zuen errege-bildumarako. Katalina Handia Errusiako buru izan zen 1729tik 1796ra, eta bildumagile sutsua izan zen. Haren jauregiak artelan erosi berriekin betetzeaz gain, Hermitage museoa sortu zuen San Petersburgoko Neguko jauregiaren ondoan, bilduma inperiala hartzeko helburuarekin. 1785ean egindako inbentarioaren arabera, bi mila eta bostehun margolan baino gehiago zituen.
Margolan hau Van Dycken autorretraturik apartenetakoa da, eta eragin handia izan zuen Errusiako artisten erretratuetan eta autorretratuetan. Van Dyckek aurrez aurre begiratzen dio ikusleari, eta balaustradaren kontra jarria dago, oso modu informalean. Haren jarrerari, oro har, gazteek bere gain izan ohi duten konfiantza dario. Van Dyckek Anberesen ikasi zuen, Peter Paul Rubens-ekin. Izan ere, haren irakasle ohiaren eraginari antzeman dakioke, azalaren haragi gorrixkan; koadroaren atzealde beltz txikian; eta aurpegiari, eta, batez ere, begiei ematen dien garrantzian. Hala eta guztiz ere, atzamar luze eta dotoreak pintatzeko modua Van Dycki berari dagokio, eta garatuko zuen estiloaren ezaugarri da.