ERRUSIA!
Kazimir Malevich, Emakume-soina
Alexander Gerasimov, Urriaren ereserkia
Iruzkinak
Yuri Pimenov, Mosku berria
- Izenburua:
- Yuri Pimenov, Mosku berria
- Erakusketa:
- ERRUSIA!
- Gaiak:
- Artea eta gizartea | Artea eta politika | Eragin artistikoa | Sorkuntza artistikoa | Argia | Hiri-eszenak | Errusia | Josef Stalin
- Mugimendu artistikoak:
- Errealismo sozialista | Inpresionismoa
- Artelan motak:
- Pintura
- Aipatutako artistak:
- Pimenov, Yuri
Yuri Pimenov-en Mosku berria lanak sobietar sistemako bizitza goresten du. Emakume sobietar askatua erakusten da, berregindako hirigune distiratsuan zehar gidatzen. Pimenovek luxuzko auto deskapotablearen atzeko jarlekuan jarri zuen ikuslea. Ilea motz moztuta duen emakume batek gidatzen du autoa. 1937an, hau da, lan hau pintatu zen garaian, artean ere oso ausarta zen ile motza izatea. Moskuko erdiguneko kaleetako batean zehar ari da gidatzen. Errepidearen eskuinaldeko eraikina, aurrealdean bandera gorriak dituena, Sindikatuen Etxea da. Atzean, Sobiet Gorenaren eraikin gris altua ikusten da, alegia, Sobiet Batasunaren erakunde legegile gorena zena.
1930eko hamarkadaren hasieratik Sobietar Batasunaren amaiera arte, errealismo sozialista zen ofizialki onartzen zen arte bakarra. Definizio estandarrak zioenez, artelan sozialista errealistek “errealistak izan behar dute formaren aldetik, eta sozialistak edukietan”. Praktikan, gizarte berriaren ikuspegi baikorra aurkeztu behar zen. Erabateko engaiamendua iradoki behar zuen, bai erregimenarekin bai komunismoaren etorkizun oparoarekin. Hemen, Pimenovek inpresionisten erako trazuak eta kolore distiratsuak erabili zituen pinturari argitasuna eta dotoretasuna emateko. Udako euri-zaparrada eta gero erakusten da hiria, aire gardenarekin eta kale garbiekin. Hartara, freskotasuna eta berritasuna adierazten duen efektu orokorra sortzen da. Horrekin, Josef Stalin-ek Sobietar Batasuna modernizatzeko garatu zuen bost urteko planean egin ziren aldaketen isla utopikoa egiten da.