ERRUSIA!
Mark Antokolski, Ecce Homo: Kristo, jendearen aurrean
Ilia Repin, Volgako batelariak
Iruzkinak
Nikolai Ge, Kristo eta dizipuluak, Getsemaniko lorategian sartzen
- Izenburua:
- Nikolai Ge, Kristo eta dizipuluak, Getsemaniko lorategian sartzen
- Erakusketa:
- ERRUSIA!
- Gaiak:
- Eragin artistikoa | Sorkuntza artistikoa | Erlijio-margoa | Morala
- Artelan motak:
- Pintura
- Aipatutako artistak:
- Ge, Nikolai
Nikolai Ge-k 1889an egindako margolan honek Itun Berriko pasarte bat erakusten du. Azken afariaren ondorengo unea da. Kristok, etxetik aterata, dizipuluei esan zien: «Iritsi da ordua, zuetako bakoitza nor bere aldetik joan dadila eta ni bakarrik uzteko». Dizipuluak etxeko eskaileretan behera datozela ageri dira, aurpegiak itzalean dituztela. Bat baino ez da atzean geratzen, Joan apostolua, Kristori azken begirada zuzentzeko. Kristok berak, bere sufrimenduari eta heriotzari aurre egiteko bakarrik utzi dutelarik, gorantz biratu du aurpegia, zeruan den bere aitari begira.
Gek hiru gai hauek arakatzeko erabili zuen bere artea: moraltasuna, norbere buruaz gogoeta egitea, eta kontzientzia indibiduala. Hortxe dugu Leo Tolstoy idazleak artista honengan izan zuen eraginaren erakusgarria. Geri sakon‑sakoneko zirrara eragin zioten Tolstoyren irakaspenek, eta Tolstoyk gai horien garrantzia nabarmendu zuen. Hemen, Gek, Bibliako une bat aukeratuta, Kristok duen dilema morala erretratatzen du, bai baitaki sufritu egingo duela. Era berean, ikuslea gonbidatzen du dizipuluen errudun-kontzientziekin bat egin dezan, dizipuluek Kristo bakarrik uzten duten une horretan, hark heriotzari bakarrik aurre egin diezaion.
Geren margotze-estiloa harrigarriro modernoa da hemen: ageri‑agerian dauden eta dinamikoak diren pintzelkadak; itzal irmoak; eta kolore-sorta mugatua, beste mundukoak diruditen urdin-tonuak nagusi direla.