ERRUSIA!
Timur Novikov, Aireportua
Alexander Brodsky, Materia grisa
Iruzkinak
Sergei Bugaev, Mir: hogeigarren mendean egina
- Izenburua:
- Sergei Bugaev, Mir: hogeigarren mendean egina
- Erakusketa:
- ERRUSIA!
- Gaiak:
- Artea eta gizartea | Artea eta politika | Artea eta emozioa | Artea eta teknologia | Sorkuntza artistikoa | Errusia | Artea eta buruko gaitzak | Josef Stalin
- Mugimendu artistikoak:
- Arte Garaikidea
- Artelan motak:
- Instalazioa
- Aipatutako artistak:
- Bugaev, Sergei
Sergei Bugaev-en instalazio handi hau 2000. urtekoa da. Lanaren lehen bertsioa Veneziako Bienalean aurkeztu zen. Mir: hogeigarren mendean egina du izena. Mir hitzak “bakea” eta “mundua” esan nahi du errusieraz, eta errusiar espazio-estazio ospetsuaren izena ere bada. Instalazioaren barrualdeko hormak Stalinen garaiko sobietar argazkiekin daude estalita. Metalezko xaflen gainean ipinita daude argazkiok. Industriaren ordena hotza eta metalikoa islatzen du, bai eta Sobietar garaiko irudi errepikakorrak eta seriekoak ere. Era berean, irudikatzen diren formen edertasunak hogeigarren mendeko teknologiaren izaera bikoitza nabarmentzen du, hau da, aurrerapen positiboak eta ondorio negatiboak. Zorua irudi gabeko metalezko xaflez estalita dago, eta horiek hezurren karraska gogorarazten duen zarata ateratzen dute bisitariak espazioa zeharkatzen duenean.
Instalazioko metalezko esfera erraldoiak izenburuan adierazten den mundua irudikatzen du. Globoaren barruan, Bugaevek bideo monitorea jarri du. Hor Krimeako ospitale psikiatriko batean egindako elektroshock tratamenduaren sekuentzia erakusten da, eta gizarte modernoetako trauma eta kontrol-kontzeptua irudikatzen da. Pazienteen oihu kezkagarriak Brian Eno konpositore ingelesaren musikarekin lehiatzen dira. Lanak sortzen duen ingurunea bigungarriz estalitako gelaren gisakoa da; ezin da ihes egin irudiek eta soinuek ekartzen duten gehiegizko zentzumen-kargatik. Osotasunean begiratuta, banakoen eta ideologien arteko talka irudikatzen du instalazioak.