ERRUSIA!
Ilya Kabakov, Espazioraino hegan egin zuen gizona
Dmitri Zhilinsky, Sobietar Errepublika Sozialisten Batasuneko gimnastak
Iruzkinak
Gueli Korzhev, Bandera altxatzen
- Izenburua:
- Gueli Korzhev, Bandera altxatzen
- Erakusketa:
- ERRUSIA!
- Gaiak:
- Artea eta identitatea | Artea eta politika | Artea eta emozioa | Eragin artistikoa | Esperimentazio artistikoa | Sorkuntza artistikoa | Kolorea | Tamaina | Erretratua eta autorretratua | Bigarren Mundu Gerra | Errusiako Iraultza | Komunismoa | Errusia | Zinema
- Mugimendu artistikoak:
- Errealismo sozialista | Espresionismoa | Estilo Soila
- Artelan motak:
- Pintura
- Aipatutako artistak:
- Korzhev, Gueli
Gueli Korzhev artistak 1957. eta 1960. urteen artean sortu zuen Bandera altxatzen lana. 1953an Stalin hil eta gero, Khrushchev-en gidaritzapean, sobietar artistak adierazpide berriak ikertzeko lehen saialdiak hasi ziren. Errealismo sozialista zen orduan ere ofizialki onartutako artea. Baina tolerantzia handiagoa zegoen askotariko bide formalekin eta gai multzo apur bat zabalagoarekin esperimentatzea aukeratzen zuten artistentzat, nahiz eta gaiak artean araututa zeuden. Hemen, Korzhevek Stalinen gidaritzapean onartuko zatekeen baino ikuspegi ezkorragoa aurkezten du, eta ez hain idealizatua. Ikusmenezko hizkuntza espresionista ere erabiltzen du, eta zinemari dagokion ikuspegi bat.
Bandera altxatzen lana Komunistak izeneko triptikoko erdiko ohola da. Lan horretan, ofizialki, Iraultzako gertakizunak erakusten dira. Langile bat azaltzen da, hildako adiskidearen eskuetatik bandera eroria jasotzen. Islatu, pinturan nabarmen islatzen da Bigarren Mundu Gerraren eragin emozional iraungarria. Irudiaren indarra pertsonaien errealismo gordinean datza. Horrez gain, tonu lurkarak nagusi dira, eta banderaren kolore gorria gailentzen da. Pintura hori 1960ko hamarkadan sortutako estilo berriaren adierazle da, hau da, Estilo Soila delakoaren adierazle. Pinturaren eskala monumentala estilo horretako ezaugarria da, bai eta ikuspegi ezohikoa eta dramatikoa ere, alegia, irudiei goitik behatzen zaie. Gainera, irudia moztua dago, eta ikusleak hildako gizonaren gorputza imajinatu egin behar du markotik kanpora.
Honetatik gertu jarrita dagoen Korzheven beste lan bat ere, Gerra-kalteak izenekoa, gerraren ondorioei buruzkoa da. Begia galdu duen soldadu ezezagunaren erretratua da. Erretratuak gertakizun katastrofikoen desitxuratze ondorioei begiratzen die zintzoki. Baina, halaber, sobietar soldaduek masen sufrimenduaren aurrean erakutsitako heroitasunaren adierazgarri bada.