ERRUSIA!
Egile ezezaguna, Yakov Turgenev-en erretratua
Anton Losenko, Vladimir eta Rogneda
Iruzkinak
Dmitry Levitsky, Alexander Lanskoi-ren erretratua
- Izenburua:
- Dmitry Levitsky, Alexander Lanskoi-ren erretratua
- Erakusketa:
- ERRUSIA!
- Gaiak:
- Bildumagintza | Sorkuntza artistikoa | Erretratua eta autorretratua | Errusia | Alexander Lanskoi | Katalina II.a Handia
- Artelan motak:
- Eskultura | Pintura
- Aipatutako artistak:
- Levitski, Dmitri | Shubin, Fedot
Beharbada, erretratuak izan ziren Katalina Handiaren agintaldiaren garaiko arte-formarik esanguratsuenak. Alexander Lanskoi zeritzon soldadu gaztearen erretratu hau Dmtry Levitsky-k pintatu zuen. Levitsky Errusiako erretratu-margolaririk onenetakoa izan zen hemezortzigarren mendearen erdialdean. Erretratua Katalina Handiaren beraren enkargua izan zen, erretratatuaz maiteminduta baitzegoen. Lanskoi Smolensk hiriko noble pobre baten semea zen, eta enperatrizaren atentzioa 1779an erakarri zuen, 22 urte baino ez zituenean. 1784rako, jeneral izendatu zuen, eta, ordurako, Errusiako eta atzerriko hainbat ordena eskuratua zuen. Ulergarria da Katalina Handiak harenganako zuen mirespena. Izan ere, haren garaikideen arabera, Lanskoi bereziki polita eta argia zen, dotoretasun eta gustu handiko gizona. Are gehiago, probintzian jaiotakoa izanik ere, aurrera egiten jakin zuen, eta arte miresle eta bildumagile aparta izan zen. Antza, Voltaire-rekin harremanetan izan zen eskutitz bidez.
Lanskoi gazte hil zen, eta haren heriotzak lur jota utzi zuen Katalina Handia. Hainbeste maite zuen, ezen erretratu hau haren gela pribatuetan gorde zuen hil zen arte.
Erretratuan gizon gaztea zutik ageri da, Katalina Handiaren marmolezko busto baten ondoan. Busto hori Fedot Shubin eskultoreak egin zuen, eta erakusketa honetantxe ikusgai duzu, gela honetan bertan.