ERRUSIA!
Alexander Gerasimov, Urriaren ereserkia
Ilya Kabakov, Espazioraino hegan egin zuen gizona
Iruzkinak
Arkady Plastov, Etxalde kolektiboko jaialdia
- Izenburua:
- Arkady Plastov, Etxalde kolektiboko jaialdia
- Erakusketa:
- ERRUSIA!
- Gaiak:
- Artea eta gizartea | Artea eta politika | Sorkuntza artistikoa | Landa-eszenak | Komunismoa | Errusia | Josef Stalin
- Mugimendu artistikoak:
- Errealismo sozialista
- Artelan motak:
- Pintura
- Aipatutako artistak:
- Plastov, Arkady
Arkady Plastov-ek 1937an eginiko margolan hau, Etxalde kolektiboko jaialdia, Errealismo Sozialista egiari garrantzia kentzeko eta errealitate alaiago bat aurkezteko nola erabiltzen zen erakusten digun adibide biribila dugu. Nekazariak ageri dira, etxalde kolektibo batean —hau da, Estatuaren jabetzakoa den eta komunitateak kudeatzen duen etxalde batean— egiten ari diren jai oparoaz gozatzen. Uzta ospatzen ari dira. Stalin kamaradaren irudi alaia dago eslogan ofizialaren gainean. Eslogan ofizialak hau dio: “Bizitza hobea da orain, bizitza alaiagoa da orain”.
Landako bizitza, benetan, zeharo bestelakoa zen, zur eta lur geratzeko adinakoa. Stalinek kolektibizazio behartua ezarri zuen, eta politika horrek janari urritasun gogorra ekarri zuen. Aurreko hamarkadan, sobietar nekazaritzari lur joarazi zioten, industrializazio bizkorraren alde hura baztertuta. Gosetea zabaldu zen, eta milioika nekazari hil.
Plastov bera nekazari jatorrikoa zen, eta herrixka batean bizi izan zen bere bizitzako zatirik handienean. Bertatik bertara ezagutzen zuen benetako egoera. Hala ere, luzarora gizarteari onura ekarriko ziola benetan ere uste zuen eran margotu zuen gaia. Errealismo Sozialistaren helburua bizitza bere garapen iraultzailean erakustea zen; eta jendeari aurrera egiteko borrokatzen jarraitzera eragingo zion etorkizun komunista distiratsua erakustea.