ERRUSIA!
Ines de Castro-ren, Portugalgo Pedro infantearen emazte morganatikoaren, heriotza
Vasily Vereshchaguin, Galtzaileak: hileta-elizkizuna
Iruzkinak
Alexei Venetsianov, Uzta-biltzailea
- Izenburua:
- Alexei Venetsianov, Uzta-biltzailea
- Erakusketa:
- ERRUSIA!
- Gaiak:
- Artea eta gizartea | Artea eta hezkuntza | Artea eta emozioa | Eragin artistikoa | Sorkuntza artistikoa | Ikonoa | Erretratua eta autorretratua | Landa-eszenak | Errusia
- Artelan motak:
- Pintura
- Aipatutako artistak:
- Borovikovski, Vladimir | Venetsianov, Alexei
Hemeretzigarren mendeko lehen hamarkadetan, artistak pertsona arruntak, eta, zehazki, nekazariak pintatzen hasi ziren. Alexei Venetsianov izen zen Errusiako landa-bizitza eta nekazarien bizimodua irudikatu zituen lehen pintorea. Uzta‑biltzailea deritzon obra hau 1820ko hamarkadakoa da. Irudian, emakumezko nekazari gaztea ageria da, urre koloreko artoz betetako atzealdearen kontra. Artoaren koloreak Errusiako ikonoetan oso ohikoak diren urre koloreko atzealdeak gogorarazten dizkigu. Dena den, irudiak, bereziki, Ama Birjinaren ikonoak ekartzen ditu gogora.
Artistak emakumea erretratatzeko duen moduari sentimentaltasun idealizatua dario. Halaber, haren irribarre goxoak eta jantzi garbi‑garbiak Borovikovsky erretratugilearen eragina islatzen dute. Artista hori Venetsianoven irakasle izan zen, eta haren lana ere ikusgai dago erakusketa honetan. Errusiako nekazarien benetako bizimodua irudikatzea baino, Venetsianovi gehiago interesatzen zitzaion nekazariek gai artistiko gisa zuten balioa eta garrantzia nabarmetzea. 1819an, Venetsianovek lur-sail txiki bat erosi zuen Tverko probintzian, eta hango nekazariak aztertzeari ekin zion. Halaber, arte-eskola sortu zuen nekazarien eta jopuen seme‑alabentzat. Lurrari lotuta zegoen langile bat zen jopua. Jabeak lurra saltzen bazuen, jopua bera ere eroslearen eskuetara pasatzen zen. Jopuek eskubide gutxi zituzten, eta debekatuta zuten garai horretako arte-akademietan ikastea. Venetsianovek jopu asko askatzea lortu zuen; baina, hala eta guztiz ere, bere zerbitzura jopuak izaten jarraitu zuen.