ERRUSIA!
Vladimir Yankilevsky, 14. triptikoa: Autorretratua (Artistaren aitaren oroipena)
Sergei Bugaev, Mir: hogeigarren mendean egina
Iruzkinak
Timur Novikov, Aireportua
- Izenburua:
- Timur Novikov, Aireportua
- Erakusketa:
- ERRUSIA!
- Gaiak:
- Artea eta teknologia | Artearen demokratizazioa | Eragin artistikoa | Sorkuntza artistikoa | Errusia
- Mugimendu artistikoak:
- Kubismoa
- Teknikak:
- Collage
- Aipatutako artistak:
- Novikov, Timur | Picasso, Pablo
Timur Novikoven Aireportua lana 1983koa da. Artistaren lehen collage lanetakoa izan zen. Aldizkarietatik moztutako elementuak erabiltzen ditu, ehunezko hondoaren gainean. Hondoa oihal beltzezkoa da eta gaueko zerua iradokitzen du. Hegazkin erraldoia lanaren erdigunean gailentzen da, eta hegazkinetik ateratzen den argi distiratsuak izar-erako irudia eta puntu fokala sortzen ditu. Azpian, San Petersburgoko Pulkovo aireportuaren fatxada ageri da. Bost poster edo bandera daudela ematen du, eta Aeroflot sobietar airelineako hegazkineko laguntzaile erakargarria ikusten da. Beste hegazkin batzuen, sateliteen, tankeen eta autobusen ebakinak daude, hainbat tamainatakoak, irudian zehar barreiatuta. Eta artista bera ere ageri da, hegazkinetako bat gidatzen. Merkataritza, arma eta zaintza-tresnen garraioak bat egiteak agerian uzten du teknologia eta industria aurreratuaren erabilera paradoxikoa.
Lanak ohiko ikuspegia saihesten du: ez dago aurrealde edo hondorik. Horrek, collagearen teknikarekin batera, Picasso eta Braque kubisten collageekin lotzen du lana. Novikovek, kubistek bezala, arte gorena deritzonaren, hots, museoetako artearen, eta behe artearen, broderia eta ehunak barne, arteko muga ikertu nahi zuen. Lan hau arte gorentzat jo daiteke: galeria batean aurkez daiteke. Baina mahai oihal gisa ere erabil daiteke.