ERRUSIA!
Vasili Smirnov, Neron-en heriotza
Mikhail Vrubel, Bogatyr
Iruzkinak
Vasili Surikov, Elurrezko gotorlekuaren erasoa
- Izenburua:
- Vasili Surikov, Elurrezko gotorlekuaren erasoa
- Erakusketa:
- ERRUSIA!
- Gaiak:
- Folklorea | Artea eta gizartea | Artea eta identitatea | Sorkuntza artistikoa | Historia-margoa | Ibiltarien taldea | Errusia | Tradizioa
- Artelan motak:
- Pintura
- Aipatutako artistak:
- Surikov, Vasili
Vasili Surikov artista Munduan Ibiltzaileak taldearen barruan nabarmendu zen, Errusiako historiako pasarteei buruz egin zuen interpretazioa zela medio. Errusiako biztanleak dira haren margolan epikoetako protagonista nagusiak. Nekazarien aurpegien adierazkortasuna eta jantzi tradizionalen edertasuna maite zituen. Lan honetan, jendetza pozarren ageri da, festa nazional bat ospatzen. Eszena hau artistaren haurtzaroko oroitzapenen isla da. Izan ere, Siberiako joko ezagun bat irudikatzen du. Jokoari elurrezko gotorlekuari erasotzea deritzo. Joko hori Barkamen- Egunean egin ohi zen, garizumaren ondoren. Jokalariak bi taldetan banatzen ziren: taldeetako batek gotorlekuari eraso behar zion, eta besteak, berriz, gotorlekua babestu. Zaldizko batek lortu behar zuen ateak zeharkatu eta elurrezko barrera eraistea. Tradizio hau segur aski kosakoek ezarri zuten, hamaseigarren mendearen bukaeran Siberia konkistatu izana oroitzeko. Siberiako jendearentzat, Barkamen-Egunean konkista hori berregiteak esangura berezia izango zuen. Horrenbestez, Surikoven pinturak historia‑ eta arte‑asoziazioak ditu; baina, batez ere, ospakizun bat da, alaiki ospatzen baititu errusiar nazio izaera eta, hogeigarren mendea hastear dela, tradizio folklorikoek duten indarra eta garrantzia.