ERRUSIA!
Antoon Van Dyck, Autorretratua
Dmitry Levitsky, Alexander Lanskoi-ren erretratua
Iruzkinak
Egile ezezaguna, Yakov Turgenev-en erretratua
- Izenburua:
- Egile ezezaguna, Yakov Turgenev-en erretratua
- Erakusketa:
- ERRUSIA!
- Gaiak:
- Sorkuntza artistikoa | Ikonoa | Erretratua eta autorretratua | Parsuna | Errusia | Yakov Turgenev | Pedro I.a Handia | Tradizioa
- Artelan motak:
- Pintura
Margolan hau parsuna edo persona deritzon estiloaren adibiderik ezagunenetarikoa da. Erretratuak egiteko estilo hori Errusian bakarrik garatu zen. Hamazazpigarren mendearen bukaerako estiloa da, eta ikonoak margotzeko teknika tradizionala erabiltzen badu ere, pintura modu naturalagoan eta indibidualagoan lantzen du, eta gaiak ez dira erlijiosoak.
Erretratu honetan Yakov Turgenev ageri da. Turgenev Pedro Handiaren gorteko artista zen, eta gorte hartako talde bateko partaidea. Talde hark izen luze hau zuen: Pedro Handia Printze‑Popea Buru duen Ergel eta Bufoien Sinodo Zoroskoena eta Mozkorrena. Gorteko talde horrek mozkor-festak egiten zituen, eta burla egiten zien Errusiako Eliza Ortodoxoaren seriotasunari eta erritual zorrotzei. Erretratu hau Turgenev ezkondu zen garaian pintatu zuten. Ezkontzak hiru egun iraun zuen, eta ospakizun basatia izan zen gortean. Baina Turgenev handik gutxira hil zen.
Ikono-pintura tradizionalen antzera, figura laua da, eta atzealde neutro eta ilun baten kontra ageri da. Halaber, erretratatuaren izena margolanaren goiko aldean azaltzen da. Halere, Turgeneven jantzien ehundura errealismo ikusgarriz pintatua dago. Ia‑ia, haren berokiko belusa, ertzetako larrua, eta kaftaneko eta gerrikoko zeta uki ditzakegu. Halaber, aurpegia, orduko Errusiako artean ohikoa ez zen naturaltasunez eta adierazkortasunez pintatua da. Zimurrez jositako kopetak, bekain goratuek, eta ahoaren ertz beheratuek, bere azken egunak gorteko bufoi gisa ematea aukeratu duen gizon zahar baten sarkasmoaren eta ilusio ezaren berri ematen dute.