ERRUSIA!
Sergei Bugaev, Mir: hogeigarren mendean egina
Oleg Kulik, Emakume kirolaria eta Kosmonauta
Iruzkinak
Alexander Brodsky, Materia grisa
- Izenburua:
- Alexander Brodsky, Materia grisa
- Erakusketa:
- ERRUSIA!
- Gaiak:
- Antropologia | Artea eta gizartea | Sorkuntza artistikoa | Materiala | Tamaina | Memoria
- Mugimendu artistikoak:
- Arte Garaikidea
- Artelan motak:
- Instalazioa
- Aipatutako artistak:
- Brodsky, Alexander
Instalazio handi hau Alexander Brodsky-k egin zuen, 1999an. Mahai luzeak laborategiko mahaia gogorarazten digu, eta haren gainean buztinez egindako berebiziko objektu-sorta dago: haurrentzako jostailuak, mikroskopioak, idazteko makinak, bularretakoak, zapatak, sardina-lata irekiak, eta ehunka botoiez betetako itsasontzi luzeak. Horiek guztiak objektu errealen imitazioa dira, eta guztiak daude apur bat desitxuratuta edo eskalaz kanpo.
Brodskyk Materia grisa deitzen dio lan honi. Hitz jokoa dago, eta berehala jakiten da lana maila batean baino gehiagotan dagoela. Objektuak egiteko erabili den material fisikoa adierazten du, hots, buztin grisa. Poesiaren aldetik, buztina giza gorputza egiteko erabilitako materiala ere bada, eta giza arraza sortu zen jatorrizko buztinaren oihartzuna dakar. Baina materia grisak burua ere adierazten du, hots, gelaxka gris txikiak. Hortaz, lana giza zibilizazioak utzitako erlikien bilduma gisa uler daiteke, aurkikuntza arkeologikoen aldetik nahiz Ponpeiako hondakinetan aurkitutakoen aldetik, baina banakoen memoriaren produktu gisa ere ikus daiteke.