Art in the USA: 300 urteko berrikuntza
Edward Hicks, Erreinu bare bat zutoihalak daramatzaten kuakeroekin, 1829/30
Albert Bierstadt, San Antonioko ur-jauziak, 1880–87
Iruzkinak
Winslow Homer, Etxea, etxe goxoa, 1863 inguru
- Izenburua:
- Winslow Homer, Etxea, etxe goxoa, 1863 inguru
- Erakusketa:
- Art in the USA: 300 urteko berrikuntza
- Gaiak:
- Artea eta emozioa | Sorkuntza artistikoa | Sinbologia | Gerra-margoa | Gerra | AEB | Sentimenduak
- Artelan motak:
- Pintura
- Aipatutako artistak:
- Homer, Winslow
Margo hau, Etxea, etxe goxoa, Homer-ek 1860ko hamarkadaren hasieran ilustratzaile independente gisa Gerra Zibileko gatazka eta bertako soldaduen bizitza landu zituenean sortu zuen. Homerrek zuzen-zuzenean ikusitako gerrako errealitatea margotu zuen, eta, hala, bere artea gai horrekiko hurbilketa xume bat zen.
Bi infanteria-gizon unionista ageri dira euren kanpamentu xumean, uniforme urdin soilak soinean, etenaldi bat egiten dute urruneko banda militar baten musika entzuteko. Margoaren izenburuak adierazten duen moduan, banda Home Sweet Home (Etxea, etxe goxoa) balada ezaguna ari da jotzen, nostalgia eta herriminaren kantua. Homerren lanak soldaduen bizitza latza gogorarazten digu: euren kanpamentu eskasa, lurzoru zakar gainean, gutxieneko erosotasunekin. Hori ez da ez, kantak dioen moduan, ez etxea eta ez gozoa. Honela, Homerek Gerra Zibilaren giza dimentsioa hartu du lan honetan.
Aurreko planoan gorosti bateko hostotza ikus daiteke, zati bat oihal gorri batez estalia. Baliteke Homerrek gorostiaren irudia gehitzea mezuaren esanahia baretzearren. Izan ere, mendeetan zehar gorostia gauza asko sinbolizatzeko erabili da artearen historian, hala nola, Kristoren jaiotza eta heriotza. Eta folklore ingelesari jarraiki, etxearen inguruan gorostia landatzeak etxea sute eta ekaitzetatik babesten du. Testuinguru horretan, baliteke Homerrek adierazi nahi izatea gorostia dela soldaduen babes bakarra gerrako zoritxarren aurrean. Autore viktoriarrek etxeko zoriontasunarekin ere identifikatzen zuten gorostia. Soldaduek sasi gainean oihal gorri hori jartzean, posible da artistak ondorengoa adierazi nahi izatea: gizon horiek ez zuten sasiak hainbeste gogorarazten zien etxea gogoratu nahi.