Art in the USA: 300 urteko berrikuntza
Winslow Homer, Arriskuaren seinalea, 1890
Hirugarren atalerako sarrera: Kosmopolitismoa eta Nazionalismoa
Iruzkinak
Charles M. Russell, Zaldi basatien ehiztariak, 1913
- Izenburua:
- Charles M. Russell, Zaldi basatien ehiztariak, 1913
- Erakusketa:
- Art in the USA: 300 urteko berrikuntza
- Gaiak:
- Generoa eta sexualitatea | Artea eta identitatea | Pintura | Ibilbide artistikoa | Sorkuntza artistikoa | Eszena-generoa | Paisaia | AEB
- Artelan motak:
- Pintura | Pintura (olio-pintura)
- Aipatutako artistak:
- Remington, Frederic | Russell, Charles M.
Cowboy-a Amerikako nortasunaren eta maskulinotasun gogorraren ikur adierazgarria izan da denbora luzean. Zaldi basatien ehiztariak olio-pintura 1913an margotu zuen Charles Russell-ek. Pintura honek cowboyek “Wild West” zeritzan mendebalde basatian zeukaten bizitza irudikatzen du, errealitatea bizi-bizi aldatzen ari zen garai batean.
Zaldi gainean doazen hiru cowboyek zaldi basatien talde bat inguratu eta arrokara bideratu dute. Aurreko planoan gizonaren eta piztiaren borroka dramatikoa ageri da gizonetako bat borrokan ari den bitartean, soka bota dion zaldia ekarrarazi nahian. Pertsekuzioak eta zaldi basatien ihesaldiak eraginda, hauts-lainoek airea bete dute.
Margo honek horren biziki irudikatzen duen paisaia zabaleko eta irekiko abenturazaletasuna da, hain zuzen ere, artista mendebaldera joan izanaren arrazoia. Russel berak ere, umea zela, cowboy izatea zuen amets. Eskola 16 urterekin utzi zuen, Montanako ardi-arrantxo batean sartzeko. 1882an bere nahia bete eta ganadu-gidari bihurtu zen. Artista autodidakta izan zen, behaketarako begi ona eta ekintzak hautemateko erraztasuna zuena. Mendebaldearen aldaketa-prozesuaren lekuko ere izan zen. Negu garratzek eta hesi gabeko larreen amaierak cowboy librearen gainbehera ekarri zuten. Gainbehera hori areto honetako beste lan batean irudikatu zen: Frederick Remington-en Cowboy-aren ilunabarra artelanean hain zuzen ere.
Russellen ibilbide artistikoa 1896an bere emazte bihurtu zen emakumeak, Nancy Russellek, bultzatu zuen hark senarraren dohaina ikusi baitzuen. Denborarekin, bere margoak oso ospetsuak bihurtu ziren Western gaietako arte-bildumagileen artean. Hemen ikusten duzun irudien antzekoek eragin handia izan zuten Wild West delakoaren mitoa sortu, betiereko bihurtu, eta XX. mendeko zinema eta telebistan zabaltzeko ere. Erakusketa honetan amerikar cowboyaren gaiarekin zerikusia duen lan gehiago eta berriagoak ikus ditzakezu. Gai horrek irudigintza garaikidean izan duen eragin luzearen lekuko dira guztiak.