Art in the USA: 300 urteko berrikuntza
Thomas Hart Benton, Amerikako epika historikoa, 1924–27
Jackson Pollock, 18. zenbakia, 1950
Iruzkinak
Bosgarren atalerako sarrera: Oparotasuna eta Etsipena
- Izenburua:
- Bosgarren atalerako sarrera: Oparotasuna eta Etsipena
- Erakusketa:
- Art in the USA: 300 urteko berrikuntza
- Gaiak:
- Artea eta industria | Artea eta gizartea | Artea eta politika | Artea eta emozioa | Artearen historia | Eragin artistikoa | Esperimentazio artistikoa | Sorkuntza artistikoa | Geometria | Materiala | Tamaina | Kontsumoa | Espiritualtasuna | Bigarren Mundu Gerra | AEB | Europa | New York | Paris
- Mugimendu artistikoak:
- Espresionismo Abstraktua | Minimalismoa | Pop Artea
- Artelan motak:
- Argazkia | Eskultura | Ikus-entzunezkoa | Pintura
- Aipatutako artistak:
- De Kooning, Willem | Flavin, Dan | Judd, Donald | Kelly, Ellsworth | Lichtenstein, Roy | Motherwell, Robert | Pollock, Jackson | Rothko, Mark | Warhol, Andy
Bigarren Mundu Gerraren hondarretan, Amerikako arteak aro ezin berritzaileagoa ezagutu zuen. Euren buruan segurtasun berria bereganatuta, artista amerikarrek probintzialismo zantzu oro baztertu zituzten, eta Europako modernotasunaren bide berari jarraitzen zieten lan berriak sortu zituzten. 1940ko hamarkada amaieratik 1960ko hamarkada arte, munduko arte gune nagusia Parisetik New Yorkera pasatu zen.
Jackson Pollock, Willem de Kooning, Robert Motherwell eta Mark Rothko bezalako espresionista abstraktuek indartsu pintatutako tamaina handiko mihise ausartak sortu zituzten. Clement Greenberg bezalako kritikoek artista horiek egindako lanen berrikuntza formala eta izaera autoerreferentea miretsi zuten. Beste batzuek eduki emozional edo espiritual indartsua ikusten zuten lan horietan. Gerora, pintura espresionista abstraktua Gerra Hotzeko politika zabaleko testuinguruan kokatu izan da. Askoren ustez, askatasunaren eta demokraziaren ideiek, Amerikako balore eta erretorika politikoen funtsa izanik, ispilu bat aurkitu zuten pinturaren munduan.
1960ko hamarkadan, Andy Warhol, Roy Lichtenstein eta bestelako Pop artistek espresionismo abstraktuaren heroismo pisutsutik urrundu ziren. Hala, euren lanak gizarte kontsumista modernoaren irudi komertzial dirdiratsuan oinarritzen ziren. Era berean, Dan Flavin, Donald Judd eta Ellsworth Kelly bezalako artista minimalistek artea sortzeko modu burutsua hautatu zuten, eta forma geometriko zehatzen eta industria-materialen alde egin zuten. Beste artista batzuek filmekin eta argazkiekin esperimentatu zuten. 1960ko hamarkadaren amaieran, protesta-mugimenduek, kontrakulturak eta Vietnamgo gerraren aurkako kanpainak hainbat artista eta kritikoren lana politizatu zuten. Nazioarteko ikuspegi artistiko nahiz historikotik ikusita, gerra osteko garai hura Amerikako garairik esanguratsuena da oraindik orain.