Art in the USA: 300 urteko berrikuntza
Andy Warhol, Hondamendi laranja 5. zk., 1963
Chuck Close, Stanley, 1980–81
Iruzkinak
Ed Ruscha, Hollywooden atzealdea, 1977
- Izenburua:
- Ed Ruscha, Hollywooden atzealdea, 1977
- Erakusketa:
- Art in the USA: 300 urteko berrikuntza
- Gaiak:
- Eragin artistikoa | Sorkuntza artistikoa | Kolorea | Paisaia | Herri-kultura | AEB | Zinema
- Artelan motak:
- Pintura
- Aipatutako artistak:
- Ruscha, Edward
Kitsch kolore arrosako ilunabar baten aurrean Hollywooden ikonoa ikus dezakegu Los Angeles gaineko gailurrean. Ikono hori, berez, 1920ko hamarkadan egin behar zituzten etxeak iragartzeko eraiki zen, baina Amerikako zinemaren jaioterri den Hollywood kontzeptuaren ikur bihurtu da. Los Angeles hiriak “Kultur Ondare Historiko” izendatu zuen 1973an. Lan honetan, ordea, entzute eta glamour handiko ikur hori alderantziz ageri zaigu eta familiartasuna galtzen du. Hau da, hain zuzen ere, Ed Ruscha-k 1977an margotutako Hollywooden atzealdea artelana. Artistak ederki asko ezagutzen zuen ikur hori, Hollywooden zuen bere estudiotik ikus baitzezakeen. Behin esan zuenaren arabera, une jakin batetik aurrera, ez zuen ikurra hitz bat balitz bezala ikusten, egitura edo paisaia bat balitz bezala baizik.
Ruschak nahiago zuen Amerikako ekialdeko kosta baino, mendebaldeko kosta, eta horretarako arrazoiak honela azaldu zituen:
“Los Angeles hiriak artista bati ez dio ezer ez agintzen, eta eman ere ez dio askoz gehiago ematen. New York hiriak, ordea, guztia agintzen dio, eta ez dio ezertxo ere ematen”.
Hitz umoretsu eta zehatz horietatik ere bada zerbait Ruscharen lanean. Ruscha Hollywoodeko filmen errealitate faltsuak liluratu zuen. Zinema-estudio handiek erabili zituzten marka arranditsuetan oinarritutako lanak egin zituen. Hollywooden atzealdea lanak Amerikako paisaia zabalaren mito erromantikoa helarazten digu, askatasuna eta espiritu aitzindaria dariola. Baina ikuspegi horrek aurrez aurre jartzen gaitu mitoak sortzeko makina amerikarraren engainuekin. Horrela modu jostalarian birarazten du herri-kulturaren hizkuntza, bere buruari aurre eginez.