Txina: 5.000 urte
Lau Norabideen Zutarriak
Iruzkinak
TRADIZIOAREN ATALA: Begi irteneko maskara; brontzea; Shang aldia
- Izenburua:
- TRADIZIOAREN ATALA: Begi irteneko maskara; brontzea; Shang aldia
- Erakusketa:
- Txina: 5.000 urte
- Gaiak:
- Arkeologia | Arte orientala | Artea eta kultura | Shang aldia | Txina | Brontzea
- Artelan motak:
- Eskultura-objektua
Txinan aurkitu dira azken urteotan material arkeologiko oparoenetako batzuk. 1950eko hamarkadako lehenengo urteetan erabat ugaritu ziren adituek zuzendutako zulaketa-lanak, Errepublika Popularra sortu eta urte gutxitara. Urtean-urtean pieza berriak deskubritzen dira, K.a. 1.500 urte inguruko brontzezko maskaratzar hau lekuko, eta horrela geroago eta gehiago dakigu Txinako kulturaz; batzuetan aspaldiko usteak sendotzen zaizkigu eta beste batzuetan, aldiz, ohikoak omen ziren usteak goitik behera aldatzen zaizkigu.
Maskara hau bakana da, duen tamaina handiagatik eta beraren ezaugarriengatik...eta 1986an azaleratu zen hegoaldeko probintzia Ibai Horitik eta Txinako zibilizazioaren sorgunetik urrun dagoelako. Garai batean, adituek uste zuten aldi hartako brontzezko lan sofistikatuak Txinako iparrekialdean soilik egiten zituztela, inperio zaharraren muineko lurretan, eta inork ere ezin azaldu zuen nola sortua zen antzezpen-maskara hau, begi urtena eta paregabea tamaina eta estiloz. Argi dago gizartearentzat garrantzi handikoa zela; baina, zertarako zerabilten? ... jainkoren bat irudikatzen al du, ala arbasoren bat, ala sazerdotea, ala agintaria? Honelako deskubrimenduek argi erakusten dute arkeologoek aberatasun handia dutela zain Txinako lurretan, hain zuzen ere bertako kulturaren sorburuak ulertzeko eta haietaz idazteko moduak alda ditzaketenak.