Txina: 5.000 urte
Jadearen atala. Ontzia, jainko, animalia eta maskarak irudikaturik dituena; mendebaldeko Jin dinastia; Intsentsu-erregailua, hilezinen uharte magikoaren itxurakoa; mendebaldeko Han dinastia
Brontzearen atala. Ontzi karratua, lau aharirekin; Shang aldia
Iruzkinak
Brontzearen atala. Ontzia; Xia aldia; Pertz karratua (fang ding), ildo-erliebez egindako animalia maskarak eta koskak irudikatzen dituen frisoarekin; Shang aldia
- Izenburua:
- Brontzearen atala. Ontzia; Xia aldia; Pertz karratua (fang ding), ildo-erliebez egindako animalia maskarak eta koskak irudikatzen dituen frisoarekin; Shang aldia
- Erakusketa:
- Txina: 5.000 urte
- Gaiak:
- Artea eta historia | Luxua | Espiritualtasuna | Shang aldia | Xia aldia | Txina | Brontzea | Teknika eta materialak
- Artelan motak:
- Eskultura-objektua
K.a II. milurtekoaren inguruan, jadea ez zen gehiago material nagusia erritu-ontziak eta osasunari eta ahalari loturiko beste objektu enblematiko batzuk egiteko, brontzea agertu baitzen; material berria aleazioa zen, kobre kopuru handia eta eztainu edo berun kopuru txikiak nahasiz sortua. Kontuan izanik nolako teknikak behar diren meak lurretik atera, galdatu eta nahasteko, harrigarria da zein bikain lantzen zuten brontzea antzinako txinatarrek.
Objektuak teknika oso sofistikatu eta berriaz sortzen zituzten: metal urtua zeramikazko molde batera isurtzen zuten; moldea elkarri jositako zenbait piezaz osatuta zegoen. Artisauak buztinaren biguntasunaz baliatzen ziren moldearen barrualdeko azala landu eta apaindurak egiteko.
Goialdeko zerrendako motiboa nagusi izan zen lehenbiziko brontze-lanetan: animalia maskara, edo tao-tie; ez dakigu zer adierazi nahi zuen. Honako honetan begi irtenak dira ezaugarririk bereizgarriena, baina maskarako gainerako osagaiak ere ikusten dira, ongi begiratuz gero: adarrak, bekainak, sudurra eta ahoa.
Txineraz ding deritzon pertz hau arbasoei opari-sakrifizioak egiteko erabiltzen zuten, hark bere ondorengoen bizitza arriskuetatik begiratuko zuelako itxaropenean. Kontuan izanik zein handia den eta brontzea erabiltzea oparotasun seinalea dela, uste izatekoa da pieza agindu zuen noblearen aginte eta ahalaren adierazgarria ere bazela; gainera, pentsa genezake, halaber, goi mailako pertsona batek errituak egin beharra aprobetxatu zuela bere mailari zegokion aberastasuna nabarmen erakusteko.