Txina: 5.000 urte
Gao Jianfu, Iztupa baten hondakinak Birmanian
Guan Zilan, L andereñoaren erretratua
Iruzkinak
Zhang Dagian, Loto gorria
- Izenburua:
- Zhang Dagian, Loto gorria
- Erakusketa:
- Txina: 5.000 urte
- Gaiak:
- Arte orientala | Eragin artistikoa | Kolorea | Natura | Txina | Tradizioa | Teknika eta materialak
- Artelan motak:
- Pintura
- Aipatutako artistak:
- Zhang, Dagian
Loto gorria izenburuko koadro hau, Zhang Dagianen lore-pinturarik onenetako bat da. Haren talentu bikainak eta tradizioaren ezagutzak apika aro berriko pintore txinatar onena izatearen ospea ekarri diote.
Ikus ezazue nola nabarmendu dituen pintoreak lore gorriak eta orri berdeak urre-trazu fin eta tinko batez. Urrearen erabilerak aurreko mendeetako luxuzko gustua dakarkigu.
Berau haren lehenengo lanetako bat da; baina berak erakusten duenez, artistak tradizioko teknikak erabat menperatuak zituen ordurako. Dirudienez, mundu modernora moldatzeko estiloan inolako aldaketarik sartu behar ez dela erakusten ari da.
Mendebaldeko estiloen arte txinatarreko eragin itzelaren kontra, Zhang Dagian bezalako pintoreek tradizio txinatarra artean baliozkoa zela uste zuten, haren barruan artean berriztatu ahal zela eta arazoa arte era ez zela, artista modernoaren gogo-indarraren eta sendotasun moralaren falta baizik. Artista honek hau bezalako lanekin argi utzi nahi zuen, obrok prestakuntza zabala eta maisutasun tekniko itzela behar izanez aparte, era zaharrak artean ezinbestekoak zirela.
Egin-eginean ere, Zhang Dagianek Txina 1949an utzi eta, atzerrian, bere estilo berezi eta paregabea garatu zuen, pintura abstraktuaren eraginpean.